وفاقی وزیر داخلہ محسن نقوی دی پاک بحریہ دے اینٹی شپ بیلسٹک میزائل دے کامیاب تجربے تے قوم کوں مبارکباد

اسلام آباد۔ 26 نومبر (اے پی پی) وفاقی وزیر داخلہ محسن نقوی پاک بحریہ دے اینٹی شپ بیلسٹک میزائل دے کامیاب تجربے تے قوم کوں مبارکباد پیش کریندیں ہوئیں آکھیا جو سائنسداناں، انجینئرز اتے شریک یونٹس میزائل ٹیکنالوجی اچ ہک اہم سنگ میل کامیابی نال عبور کیتا۔ اپݨے بیان اچ وزیر داخلہ محسن نقوی آکھیا جو اینٹی شپ میزائل دا کامیاب تجربہ سائنسداناں، انجینئرز اتے شریک یونٹس دا شاندار کارنامہ اے۔ سائنسداناں، انجینئرز اتے شریک یونٹس کوں اینٹی شپ میزائل دے کامیاب تجربے تے مبارکباد ݙینداں۔ سائنسداناں، انجینئرز اتے شریک یونٹس دی محنت اتے پیشہ ورانہ مہارت کوں سراہندن۔ کامیاب تجربہ سمندری سرحداں دے دفاع اچ قابل اعتماد قدم اے۔