منامہ۔ 26 نومبر(اے پی پی)پاکستان اَتے بحرین سیاسی، اقتصادی، دفاعی اَتے ثقافتی شعبیاں سودھا ݙوطرفہ تعلقات ٻئے تکڑے کرݨ تے اتفاق کریندے دیرینہ دفاعی شراکت داری دی اہمیت کوں اڳونہا کیتے جݙاں جو وزیراعظم محمد شہباز شریف بحرین نال تجارت اَتے سرمایہ کاری کوں ودھاوݨ دی پاکستان دی خواہش ݙسائی اتے آکھیا جو پاکستان-جی سی سی آزاد تجارتی معاہدے، جیہڑا اپݨے آخری مرحلیں اچ اے، نال ݙو طرفہ تجارت کوں …
وزیراعظم محمد شہباز شریف دی بحرین دے بادشاہ حمد بن عیسیٰ الخلیفہ نال ملاقات
مزید خبراں
منامہ۔ 26 نومبر(اے پی پی)پاکستان اَتے بحرین سیاسی، اقتصادی، دفاعی اَتے ثقافتی شعبیاں سودھا ݙوطرفہ تعلقات ٻئے تکڑے کرݨ تے اتفاق کریندے دیرینہ دفاعی شراکت داری دی اہمیت کوں اڳونہا کیتے جݙاں جو وزیراعظم محمد شہباز شریف بحرین نال تجارت اَتے سرمایہ کاری کوں ودھاوݨ دی پاکستان دی خواہش ݙسائی اتے آکھیا جو پاکستان-جی سی سی آزاد تجارتی معاہدے، جیہڑا اپݨے آخری مرحلیں اچ اے، نال ݙو طرفہ تجارت کوں ٻیا ودھاوݨ کیتے تیار اے۔ وزیراعظم محمد شہباز شریف منامہ اچ بحرین دے بادشاہ حمد بن عیسیٰ الخلیفہ نال ملاقات کیتی اتے ݙوہاں ٻھرا ملکاں وچال مضبوط اَتے تاریخی شراکت داری تے الایا۔ بحرین دے بادشاہ وزیراعظم محمد شہباز شریف کوں آرڈر آف بحرین (فرسٹ کلاس) پیش کیتا جیہڑا بحرین ولوں عالمی سربراہان کوں پیش کیتا ونڄݨ آلا سب توں وݙا اعزاز اے۔
ملاقات اچ بحرین دے بادشاہ ݙسایا جو بحرین کوں اے اعزاز حاصل اے جو قائداعظم محمد علی جناح بحرین دی قانونی نمائندگی کیتی اَتے انہاں دے ریکارڈ اچ موجود دستاویزات موجب محمد علی جناح بحرین دے وکیل رہے۔ انہاں ݙوطرفہ تعلقات اچ حوصلہ افزاء تیزی دا جائزہ گھدا اَتے سیاسی، اقتصادی، دفاعی اَتے ثقافتی شعبیاں اچ تعاون ٻیا تکڑا کرݨ تے اتفاق کیتا۔ وزیراعظم سانجھے ایمان اَتے آپسی احترام تے مبنی ݙو طرفہ تعلقات کوں ٻیا ڳھاٹا کرݨ کیتے پاکستان دا عزم دوہریندے ستمبر 2025 اچ اسلام آباد اچ کنگ حمد یونیورسٹی فار نرسنگ اینڈ الائیڈ میڈیکل سائنسز دے قیام سودھا مختلف شعبیاں اچ تعاون تے بحرین دی قیادت دا شکریہ ادا کیتا۔ وزیراعظم تجارت اَتے سرمایہ کاری کوں وسعت ݙیوݨ تے وی زور ݙتا اتے آکھیا جو پاکستان-جی سی سی آزاد تجارتی معاہدے نال ݙوطرفہ تجارت کوں ٻیا ودھاوݨ کیتے تیار اے۔ انہاں بحرینی سرمایہ کاراں کوں خصوصی سرمایہ کاری سہولت کونسل (ایس آئی ایف سی)دے ذریعے پاکستان اچ مختلف شعبیاں خاص طور تے غذائی تحفظ، آئی ٹی، تعمیرات، کان کنی، سیاحت اَتے صحت دے شعبیاں اچ سرمایہ کاری دے مزید موقع ڳولݨ دی دعوت ݙتی۔ وزیراعظم بحرین اچ 150,000 توں ودھ پاکستانیاں کوں ݙتیاں ونڄݨ آلیاں سہولتاں اَتے مہمان نوازی دی وی تعریف کیتی اَتے پاکستانی قیدیاں دی وطن واپسی تے حمد بن عیسیٰ الخلیفہ دا شکریہ ادا کیتا۔ ݙوہیں رہنماواں دیرینہ دفاعی شراکت داری دی اہمیت ودھیندے تکنیکی تربیت، لاجسٹکس، افرادی قوت اَتے دفاعی پیداوار اچ تعاون کوں مضبوط بݨاوݨ تے اتفاق کیتا۔ ݙوہیں رہنماواں غزہ دی حالیہ پیشرفت تے الویندے اتفاق کیتا جو غزہ دے عوام کیتے امن و استحکام دا قیام ٻہوں ضروری اے، جیہڑے کئی ݙھاکیاں توں مصیبتاں دا شکار ہن اَتے جیںدا غزہ دے عوام لمبے ویلھے توں انتظار کریندے پئن۔ چھیکڑ تے فریقین امید کیتی جو اے دورہ پاکستان اَتے بحرین وچال پائیدار دوستی اَتے تعاون کوں مزید مضبوط کریسی۔
ایں موقع تے بحرین دے بادشاہ وزیراعظم محمد شہباز شریف اَتے پاکستانی وفد دے اعزاز اچ ظہرانہ وی ݙیتا۔
