اسلام آباد۔ 26 نومبر(اے پی پی)وفاقی وزیرِ ریلوے محمد حنیف عباسی دی زیرِصدارت ریلوے اچ سکیورٹی اَتے جرائم روکݨ بارے اجلاس تھیا۔ اجلاس اچ ریلوے پولیس دی کارکردگی تے بریفنگ ݙتی ڳئی۔ وزیرِ ریلوے ہدایت کیتی جو ٹکٹ چیکنگ مہم کوں مزید مؤثر بݨایا ونڄے، بغیر ٹکٹ سفر کرݨ آلا اَتے کراوݨ آلا ݙوہیں دے خلاف سخت کارروائی ہوسی، ریلوے پولیس ولوں چوری، سمگلنگ اَتے ٻئے جرائم دے خلاف بھرپور …
وفاقی وزیرِ ریلوے دی زیرِ صدارت سکیورٹی اَتے جرائم روکݨ بارے اجلاس، بغیر ٹکٹ مسافراں دے خلاف کارروائی دی ہدایت
مزید خبراں
اسلام آباد۔ 26 نومبر(اے پی پی)وفاقی وزیرِ ریلوے محمد حنیف عباسی دی زیرِصدارت ریلوے اچ سکیورٹی اَتے جرائم روکݨ بارے اجلاس تھیا۔ اجلاس اچ ریلوے پولیس دی کارکردگی تے بریفنگ ݙتی ڳئی۔ وزیرِ ریلوے ہدایت کیتی جو ٹکٹ چیکنگ مہم کوں مزید مؤثر بݨایا ونڄے، بغیر ٹکٹ سفر کرݨ آلا اَتے کراوݨ آلا ݙوہیں دے خلاف سخت کارروائی ہوسی، ریلوے پولیس ولوں چوری، سمگلنگ اَتے ٻئے جرائم دے خلاف بھرپور اقدامات جاری ہین۔ ایں توں علاوہ، وزیرِ ریلوے دی ہدایت تے اینٹی انکروچمنٹ پالیسی مکمل طور تے فعال کیتی ڳئی اے۔ ریلوے دی زمین تے سالاں توں بݨیاں تجاوزات دا خاتمہ جاری اے اَتے ہر انچ واگزار کرایا ویندا پئے۔ اجلاس اچ آئی جی ریلوے، ایس پی ریلوے پنڈی ڈویژن اَتے ریلوے دے اعلیٰ حکام وی شرکت کیتی۔ وفاقی وزیر ریلوے پولیس دی فعال اَتے مؤثر کارکردگی کوں سراہیا اَتے آکھیا جو اے اقدامات ریلوے دی سکیورٹی اَتے مسافراں دی حفاظت اچ بہتری گھن آسن۔
