خیبرپختونخوا دے قبائلی علاقیاں اچ خوارج دے چھوڑے ڳئے بارودی مواد اَتے سرنگاں کوں تلف کرݨ دا عمل تیزی نال جاری، 82 مربع کلومیٹر علاقہ صاف کر ݙتا ڳیا، پاک فوج دے 5 جوان شہید

اسلام آباد۔ 27 نومبر (اے پی پی) پاک فوج ولوں خیبرپختونخوا دے قبائلی علاقیاں اچ خوارج دے چھوڑے ڳئے بارودی مواد اَتے سرنگاں کوں تلف کرݨ دا عمل تیزی نال جاری اے، دہشت گردی دے خلاف جنگ دے دوران خوارج دہشت گردی کھنڈاوݨ اَتے سکیورٹی فورسز دا رستہ روکݨ کیتے قبائلی علاقیاں اچ وݙی سطح تے بارودی سرنگاں وچھائی ہن۔ تفصیلات دے مطابق خیبرپختونخوا اچ انسدادِ دہشت گردی آپریشنز دے بعد سکیورٹی فورسز انہاں علاقیاں اچ وݙی سطح تے ڈی مائننگ دا عمل شروع کیتا۔ افواجِ پاکستان دے بہادر جوان اپݨی جاناں تے کھیڈ تے علاقے کوں بارودی سرنگاں اَتے گولہ بارود توں پاک کریندے پئن۔ خیبرپختونخوا اچ کُل 114 مربع کلومیٹر علاقے اچ بارودی مواد اَتے سرنگاں دی نشاندہی کیتی ڳئی ہئی۔ پاک فوج دی پیشہ ورانہ صلاحیتاں اَتے انتھک کوششاں پاروں ہݨ تئیں 82 مربع کلومیٹر علاقے کوں مکمل طور تے صاف کر ڳھدا ڳئے۔ باقی علاقے دی ڈی مائننگ تے ݙینھ رات کم جاری اے۔ ڈی مائننگ دی انہاں خطرناک کارروائیاں دے دوران پاک فوج دے 5 جوان شہید جݙاں جو 115 جوان آپݨے ہتھ پیراں توں محروم تھی ڳئن۔ پاک فوج ولوں علاقیاں کوں بارودی مائیننگ توں پاک کرݨ دا مقصد عوام کوں حادثات توں محفوظ رکھݨ اے۔ کئی واری انجان پݨے اچ علاقے دے ٻال اَتے نینگراں بارودی مواد نال کھیڈدے ہوئیں حادثات دا شکار تھئن۔ 26 نومبر کوں باجوڑ دی تحصیل خار دے ہک گاؤں اچ ݙو نینگر خوارج دے چھوڑے ڳئے بارودی مواد پھٹݨ نال ہلاک تھی ڳئے۔ حادثات توں ٻئے بچاؤ کیتے ضروری اے جو جیڑھے علاقے ہݨ تئیں صاف نئی تھئے انہاں رستیاں توں احتیاط کیتی ونڄے۔