وفاقی وزیر داخلہ محسن نقوی دی ہنگو چیک پوسٹ تے حملے دی مذمت، شہید تھیوݨ آلے 3 پولیس اہلکاراں کوں خراج عقیدت

اسلام آباد۔ 27 نومبر (اے پی پی) وفاقی وزیر داخلہ محسن نقوی ہنگو اچ چیک پوسٹ تے حملے دی مذمت کریندیں ہوئیں واقعے اچ شہید تھیوݨ آلے 3 پولیس اہلکاراں کوں خراج عقیدت پیش کیتے۔ آپݨے سنیھے اچ وزیر داخلہ محسن نقوی شہید اہلکاراں دے خانداناں نال دلی ہمدردی اَتے تعزیت دا اظہار کیتا۔ انہاں دا آکھݨ ہئی جو شہید اہلکاراں دی قربانی رائیگاں نہ ونڄسی، اے قربانیاں دہشت گردی دے خلاف جنگ اچ پاکستان دے اٹل عزم دا ثبوت ہن۔ انہاں آکھیا جو خیبرپختونخوا پولیس دہشت گردی دے خلاف جنگ اچ لازوال قربانیاں ݙیتن، کے پی دے پولیس دہشت گردی دے خلاف جنگ اچ فرنٹ لائن تے اے۔