اسلام آباد۔ 28 نومبر (اے پی پی) سپیکر قومی اسمبلی سردار ایاز صادق نال اپوزیشن دے سینیٹرز اَتے ارکانِ قومی اسمبلی دی ملاقات تھئی جئیں اچ جماعتی اختلاف دے باوجود پارلیمانی بھائی چارے اَتے مفاہمت دے جذبے کوں مضبوط کرݨ تے زور ݙتا ڳیا۔ ملاقات اچ اپوزیشن دے نمائندہ ارکان اچ علامہ راجہ ناصر عباس، فیصل جاوید، سابق سپیکر اسد قیصر اَتے ارکانِ اسمبلی بیرسٹر گوہر علی خان، اقبال آفریدی، …
سپیکر قومی اسمبلی سردار ایاز صادق دی اپوزیشن دے سینیٹرز اَتے ایم این ایز نال ملاقات، پارلیمانی بھائی چارے کوں مضبوط کرݨ تے زور
مزید خبراں
اسلام آباد۔ 28 نومبر (اے پی پی) سپیکر قومی اسمبلی سردار ایاز صادق نال اپوزیشن دے سینیٹرز اَتے ارکانِ قومی اسمبلی دی ملاقات تھئی جئیں اچ جماعتی اختلاف دے باوجود پارلیمانی بھائی چارے اَتے مفاہمت دے جذبے کوں مضبوط کرݨ تے زور ݙتا ڳیا۔ ملاقات اچ اپوزیشن دے نمائندہ ارکان اچ علامہ راجہ ناصر عباس، فیصل جاوید، سابق سپیکر اسد قیصر اَتے ارکانِ اسمبلی بیرسٹر گوہر علی خان، اقبال آفریدی، عاطف خان، ڈاکٹر امجد علی خان، سردار لطیف کھوسہ اَتے محمد جمال احسن خان شامل ہن۔ سپیکر ایاز صادق اپوزیشن وفد کوں آپݨے چیمبر اچ خوش آمدید آکھیا، انہاں دا آکھݨ ہا جو سیاست محض وقتی پس منظر کائناں بلکہ لمبی مدت دا رشتہ اے جیڑھا بھائی چارے، رواداری اَتے اعتماد تے مبنی ہووݨا چاہیدے۔ انہاں آکھیا جو “2014 توں میں تہاݙے بھراواں نال رابطے اچ ہاں، سیاست ساری عمر کائنی ہوُن٘دی، اے مُک ویندی اے، ارکانِ اسمبلی دا ایہو جیہا رشتہ ہووݨا چاہیدے جو ساری زندگی قائم راہوے، میں ہر موقع تے مذاکرات دی ڳالھ کیتی، مذاکرات نال ای سارے مسائل حل تھیسن۔ اپوزیشن وفد ولوں بیرسٹر گوہر علی خان بانی جماعت پی ٹی آئی نال انہاں دے خاندان دے لوکاں کوں مِلݨ دی اجازت دے معاملے کوں چاتا۔ وفد سپیکر دی اپوزیشن اَتے حکومت وچال سہولت کاری دی کوششاں کوں سراہیا اَتے ایں امید دا اظہار کیتے جو ایہو جیہی ملاقاتاں مستقبل اچ وی تھیندی رہسن تانجو پارلیمانی سانجھ اَتے پارلیمنٹ دی مضبوطی کوں فروغ مِلے۔
