اسلام آباد۔ 28 نومبر (اے پی پی) صدرِ مملکت آصف علی زرداری سری لنکا اچ شدید بارشاں پاروں آوݨ آلے سیلاب اَتے لینڈ سلائیڈنگ نال قیمتی جاناں دے ضیان اَتے املاک کوں تھیوݨ آلے نقصان تے ݙُکھ اَتے افسوس کیتے۔ جمعہ کوں ایوانِ صدر پریس وِنگ توں جاری بیان دے مطابق صدرِ مملکت مرݨ آلے لوکاں دے لواحقین نال دِلی ہمدردی اَتے متاثرہ عوام دے نال یکجہتی دا اظہار کیتے۔ …
صدر آصف علی زرداری دا سری لنکا اچ سیلاب اَتے لینڈ سلائیڈنگ نال قیمتی جاناں دے ضیاع تے افسوس
مزید خبراں
اسلام آباد۔ 28 نومبر (اے پی پی) صدرِ مملکت آصف علی زرداری سری لنکا اچ شدید بارشاں پاروں آوݨ آلے سیلاب اَتے لینڈ سلائیڈنگ نال قیمتی جاناں دے ضیان اَتے املاک کوں تھیوݨ آلے نقصان تے ݙُکھ اَتے افسوس کیتے۔ جمعہ کوں ایوانِ صدر پریس وِنگ توں جاری بیان دے مطابق صدرِ مملکت مرݨ آلے لوکاں دے لواحقین نال دِلی ہمدردی اَتے متاثرہ عوام دے نال یکجہتی دا اظہار کیتے۔ انہاں آکھیا جو پاکستان ایں مشکل گھڑی اچ سری لنکا دی عوام دے نال کھڑے۔ صدرِ مملکت آکھیا جو موسمیاتی تبدیلیاں ہک ناقابلِ تردید حقیقت اے جیڑھی گلوبل ساؤتھ دے ملکاں کوں زیادہ متاثر کریندی پئی اے، باوجود ایںدے جو ایں تبدیلی اچ انہاں دا کردار نسبتاً گھٹ اے۔ صدرِ مملکت آکھیا جو پاکستان خود موسمیاتی تبدیلیاں دے سنگین اثرات توں متاثر رہیے اَتے ایں تناظر اچ متاثرہ ملکاں وچال آپسی تعاون اَتے مشترکہ حکمتِ عملی دی لوڑھ اے۔ انہاں بحران دے ویلھے ہک ݙوجھے دی مدد دے نال نال موسمیاتی ریزیلینس، تیاری اَتے تخفیف توں متعلق مشترکہ اقدامات تے زور ݙتا۔ صدرِ مملکت سری لنکا دے صدر انورا کمارا ڈسانائیکے دے ناں تعزیتی سنیھے اچ حکومت اَتے سری لنکا دی عوام نال دِلی ہمدردی دا اظہار کیتے۔ صدرِ مملکت زخمیاں دی جلدی صحتیابی کیتے نیک خواہشات دا اظہار وی کیتے۔
