وزیراعظم شہباز شریف دا سری لنکا اچ چھل تے لینڈ سلائیڈنگ توں جانی ضیان تے ݙکھ تے افسوس

اسلام آباد۔29نومبر(اے پی پی) وزیراعظم شہباز شریف سری لنکا اچ چھل تے لینڈ سلائیڈنگ توں تھیوݨ آلے جانی ضیان تے تباہی تے ݙکھ تے افسوس کیتے۔’’  ایکس‘‘ تے آپݨے سنھیے اچ انہاں آکھیے سری لنکا اچ چھل تے لینڈ سلائیڈنگ توں مرݨ آلے لوکاں دے خانداناں نال دلی ہمدردی اے اتے لاپتا لوکاں دی سلامتی سانڳے دعا کرینداں ۔ وزیر اعظم آکھیے ݙکھے ویلھے پاکستان، سری لنکا دے عوام اتے حکومت نال مکمل یکجہتی نال کھڑے ۔ انہاں مزید آکھیا پاکستان ریسکیو، بحالی اتے امدادی سرگرمیاں اچ ہر قسم دی مدد کرݨ سانڳے تیار اے، جیڑھا سری لنکا دے اپݨے بھراویں تے بھیݨاں نال ساݙی یکجہتی دی علامت اے۔