وزیرداخلہ محسن نقوی دا 2 کامیاب آپریشنز وِچ 9 خوارجیاں دی ہلاکت تے سکیورٹی فورسز کوں خراج تحسین

اسلام آباد۔ 6 دسمبر (اے پی پی) وفاقی وزیر داخلہ محسن نقوی خیبرپختونخوا وِچ بھارتی سپانسرڈ دہشت گرداں دے خلاف 2 کامیاب آپریشنز تے سکیورٹی فورسز دی تعریف کریندیں 9 خوارجیاں کوں جہنم وِچ پُڄاوݨ تے فورسز دی پیشہ وارانہ مہارت دی تعریف کیتی۔ وزارت داخلہ توں جاری بیان وِچ محسن نقوی آکھیا جو سکیورٹی فورسز وقتی کارروائیاں کرتے خوارجیاں کوں جہنم وِچ پُڄایا، خوارجیاں دے ناپاک عزائم کوں مِٹی وِچ رولݨ تے سکیورٹی فورسز کوں خراج تحسین پیش کرینداں۔ محسن نقوی آکھیا جو سکیورٹی فورسز دی جرات اَتے پروفیشنل ازم تے ماݨ اے، فتنہ الخوارج دے خلاف سکیورٹی فورسز وݙیاں کامیابیاں سنبھیندیاں پئن۔ اُنہاں آکھیا جو خیبرپختونخوا وِچ امن قائم کرݨ کیتے سکیورٹی فورسز پُرعزم اے۔