سکیورٹی فورسز قلات وِچ بھارتی پراکسی تنظیم “فتنہ الہندوستان” نال تعلق رکھݨ آلے 12 دہشت گرداں کوں جہنم واصل کر ݙتا

راولپنڈی۔ 7 دسمبر (اے پی پی) سکیورٹی فورسز بلوچستان دے ضلع قلات وِچ انٹیلی جنس اطلاعات دی بنیاد تے آپریشن وِچ بھارتی پراکسی تنظیم “فتنہ الہندوستان” نال تعلق رکھݨ آلے 12 دہشت گرداں کوں جہنم واصل کر ݙتا۔ آئی ایس پی آر توں جاری پریس ریلیز موجب، علاقے وِچ دہشت گرداں دی موجودگی دی اطلاع ہئی۔ آپریشن دے دوران فورسز دہشت گرداں دے ٹھکاݨے کوں مؤثر طریقے نال نشانہ بݨایا اَتے تِکھی فائرنگ دے تبادلے وِچ 12 بھارت نواز دہشت گرد مُکا ݙتے ڳئن۔ دہشت گرداں توں اسلحہ، گولہ بارود اَتے دھماکہ خیز مواد وی برآمد تھئے۔ اے دہشت گرد علاقے وِچ کئی دہشت گرد سرگرمیاں وِچ شامل ہن۔ علاقے وِچ کلئیرنس آپریشن جاری اے تاں جو کوئی ٻیا بھارت نواز دہشت گرد موجود ہووے تاں اُوں کوں وی مُکا ݙتا ونڄے۔ سکیورٹی فورسز اَتے قانون نافذ کرݨ آلے اداریں وَلوں وفاقی ایپکس کمیٹی قومی ایکشن پلان دی منظوری موجب “عزم استحکام” دے وژن دے تحت لگاتار انسدادِ دہشت گردی مہم جاری رَہسی تاں جو مُلک توں ٻاہرلی سرپرستی اَتے حمایت یافتہ دہشت گردی دے ناسور کوں مُکمل طور تے ختم کیتا ونڄے۔