لاہور۔ 7 دسمبر (اے پی پی) وفاقی وزیر پٹرولیم علی پرویز ملک آکھیے جو معاشی بہتری کیتے فیصلہ کُن اقدامات کیتے ویندے پئن جَݙاں جو عالمی سطح تے پاکستان دی ساکھ مضبوط تھیندی پئی اے۔ ٹیکساں وِچ کمی، مہانگ تے قابو پاوݨ، برآمدات دے ودھارے، نینگر نسل کیتے روزگار اَتے توانائی دے شعبے وِچ استحکام حکومت دیاں ترجیحات ہِن۔او اتھاں شادباغ وِچ چیئرمین پی ایچ اے غزالی سلیم بٹ دے …
مُلک دی معاشی بہتری کیتے فیصلہ کُن اقدامات کیتے ویندے پئِن، علی پرویز ملک
مزید خبراں
لاہور۔ 7 دسمبر (اے پی پی) وفاقی وزیر پٹرولیم علی پرویز ملک آکھیے جو معاشی بہتری کیتے فیصلہ کُن اقدامات کیتے ویندے پئن جَݙاں جو عالمی سطح تے پاکستان دی ساکھ مضبوط تھیندی پئی اے۔ ٹیکساں وِچ کمی، مہانگ تے قابو پاوݨ، برآمدات دے ودھارے، نینگر نسل کیتے روزگار اَتے توانائی دے شعبے وِچ استحکام حکومت دیاں ترجیحات ہِن۔او اتھاں شادباغ وِچ چیئرمین پی ایچ اے غزالی سلیم بٹ دے نال مُلکی صورتحال، معاشی پالیسیاں، توانائی سیکٹر، سرمایہ کاری اَتے قومی سلامتی دے امور تے میڈیا نال ڳالھ مہاڑ کریندے پئے ہن۔علی پرویز ملک آکھیا جو وزیراعظم محمد شہباز شریف اَتے نائب وزیراعظم اسحاق ڈار عالمی سطح تے پاکستان دا مثبت تشخص بحال کرݨ وِچ وݙا کردار ادا کیتے، ایہا وجہ اے جو اڄ عالمی برادری اَتے امریکہ پاکستان بارے حوصلہ افزا ڳالھ مہاڑ کریندے نظرآندن جَݙاں جو دیوالیہ پن دی گونج مُک چُکی اے۔ اُنہاں آکھیا جو حکومت خساریں تے کامیابی نال قابو پاوݨ تے اہم پیشرفت کیتی اے۔توانائی دے شعبے وِچ بہتری بارے اُنہاں ݙسایا جو گردشی قرضے تے قابو پاوݨ کیتے عملی اقدامات جاری ہِن، جَݙاں جو ترکش پٹرولیم اپݨا دفتر اسلام آباد وِچ کھولیندیاں پئن جیندے نال پاکستانیاں کیتے روزگار دے نویں موقع پیدا تھیسن۔قومی سلامتی متعلق سوال تے علی پرویز ملک آکھیا جو سیاست کوں قومی مفاد توں وَکھ رکھݨ ضروری اے۔ اُنہاں آکھیا جو پاک فوج دے جوان روزانہ اپݨیاں جاناں دا نذرانہ پیش کریندے پئن، ایجھی صورتحال وِچ اداریں دی توہین کِہیں صورت قبول کائنی ، ڈی جی آئی ایس پی آر ٻہوں ذمہ واری اَتے سوچ سمجھ تے موقف پیش کیتے۔
