گلگت بلتستان دے عوام دی فلاح اتے معاشی ترقی وفاقی حکومت دی ودھ ترجیح اے، وزیر اعظم شہباز شریف

سلام آباد۔ 8 دسمبر(اے پی پی)وزیر اعظم محمد شہباز شریف گوادر پورٹ سٹی اچ بجلی ݙیوݨ اچ درپیش مسئلیاں دے حل کیتے ہک جامع منصوبے تے فوری عملدرآمد دی منظوری ݙیندے آکھیے جو 100 میگا واٹ سولر پراجیکٹ توں گلگت بلتستان اچ ماحول دے اعتبار نال صاف بجلی دی بلا تعطل اتے مستحکم فراہمی پوری کیتی ونڄے، گلگت بلتستان دے عوام دی فلاح تے معاشی ترقی وفاقی حکومت دیاں اوّلین ترجیحات ہین۔ اے ڳالھ انہاں بجلی دے شعبے اچ جاری اصلاحات بارے جائزہ اجلاس دی صدارت کریندے آکھی۔ اجلاس اچ نائب وزیر اعظم و وزیر خارجہ محمد اسحاق ڈار، وفاقی وزیر خزانہ محمد اورنگزیب، وفاقی وزیر بجلی سردار اویس احمد خان لغاری، وفاقی وزیر اطلاعات و نشریات عطاء اللہ تارڑ، وفاقی وزیر اقتصادی امور احد خان چیمہ، وفاقی وزیر پٹرولیم علی پرویز ملک اتے ٻئے متعلقہ سرکاری عہدیداراں شرکت کیتی۔ وزیر اعظم ہدایت کیتی جو گوادر پورٹ سٹی کوں بلا تعطل، مناسب قیمت تے قابل بھروسہ بجلی ݙیوݨ دے منصوبیاں تے سارے متعلقہ ادارے ہم آہنگی نال کم کرن، گلگت بلتستان اچ 100 میگا واٹ دے سولر پراجیکٹ تے فوری عملدرآمد شروع کیتا ونڄے، 100 میگا واٹ سولر پراجیکٹ نال گلگت بلتستان اچ ماحول دے اعتبار نال صاف بجلی دی بلا تعطل اتے مستحکم فراہمی کوں یقینی بݨایا ونڄے۔ انہاں آکھیا جو گلگت بلتستان اچ صنعتی سرگرمیاں، سرمایہ کاری اتے معاشی ترقی واسطے ہر ممکن اقدامات کیتے ویندے پعن، بجلی دے مسئلیاں کوں حل کرݨ واسطے احسن اقبال دی سربراہی اچ بݨݨ آلی کمیٹی اتے وزارت توانائی دیاں سفارشاں اتے اقدامات قابل تحسین ہن۔