چین پاکستان دا ڈوڄھا گھر اتے پاکستان وی چین دا ڈوڄھا گھر اے، چین ہر اوکھے ویلھے پاکستان دے نال کھڑا رہے، عطاء اللہ تارڑ

اسلام آباد۔ 8 دسمبر(اے پی پی)وفاقی وزیر اطلاعات و نشریات عطاء اللہ تارڑ آکھیے جو پاکستان اتے چین ہک ٻئے دے ݙوڄھے گھر ہین اتے ݙوہیں ملک ہر ݙکھ سکھ اچ ہک ٻئے دے نال کھڑے رہین۔ اے ڳالھ انہاں اسلام آباد دے ہک مقامی ہوٹل اچ چائنا چیمبر آف کامرس اِن پاکستان ولوں پاکستان اچ فلڈ ڈیزاسٹر کیتے عطیات ݙیوݨ دی تقریب نال خطاب اچ آکھی۔ انہاں آکھیا جو پاکستان اے چین وچال تعلقات ہک نہ ترٹݨ آلے رشتے آلے ہین اتے اے تعلق ساکوں ترکے اچ ملیے، جیںدی حفاظت اتے قدر اساں ہر صورت کریسوں۔ انہاں آکھیا جو پاکستان اے چین وچال نیڑے دے تعلقات ہن، چین اساڈے واسطے ڈوجھا گھر اے اتے ایویں پاکستان وی چین واسطے ڈوڄھا گھر اے ۔ وفاقی وزیر چین دے مختلف شہراں دے دوریاں دا حوالہ ڈیندے آکھیا جو پاک چین دوستی ہر موسم دی دوستی اے، اے دوستی ہمیشہ مستقل اتے مضبوط رہی اے، ہر اوکھے ویلھے اچ چین پاکستان دا ساتھ ݙتے۔ وفاقی وزیر اطلاعات آکھیا جو چین دے رہنما چو این لائی جݙاں پاکستان آئے تاں میݙی اماں سیئݨ اسلام آباد دیاں سڑکاں تے ٻئے ٻالاں نال چینی پرچم نال انہاں دا اسقبال کیتا ہا، اے او یاداں ہین جیندے نال اساں وݙے تھئے ہیں، اے اساݙی ثقافت تے وراثت دا حصہ اے ۔ انہاں آکھیا اڄوکے دور اچ اساݙی نینگر نسل وی پاک چین دوستی دے حوالے نال ٻہوں کڄھ سِکھیے اتے اے تعلقات اڄ عوامی، ثقافتی اتے تعلیمی سطح تے مزید مضبوط تھئن۔ وفاقی وزیر اطلاعات چین دے صدر شی جن پنگ اتے وزیر اعظم لی جیانگ دے پاکستان واسطے خیر سگالی دے جذبے تے تعاون تے شکریہ ادا کیتا اتے آکھیا جو موسمیاتی تبدیلی عالمی مسئلہ اے، اساں ایںدے شدید اثرات ݙٹھن، پاکستان دا عالمی کاربن اخراج اچ حصہ ہک فیصد توں وی گھٹ اے جݙاں جو موسمیاتی تبدیلی دے اثرات دے لحاظ نال اساں دنیا دے ساریں توں ودھ متاثرہ ملکاں اچ شامل ہیں۔