وزیر خارجہ و نائب وزیر اعظم اسحاق ڈار دی اڳواݨی اچ اجلاس، 2026 اچ تھیوݨ آلی او آئی سی وزارتی کانفرنس برائے خواتین دی تیاریاں دا جائزہ

سلام آباد۔ 8 دسمبر(اے پی پی)نائب وزیر اعظم تے وزیر خارجہ سینیٹر محمد اسحاق ڈار دی صدارت اچ 2026 اچ پاکستان دی میزبانی اچ تھیوݨ آلی “نویں اسلامی تعاون تنظیم (او آئی سی) وزارتی کانفرنس برائے خواتین” بارے ھک اجلاس تھیا، جیندے اچ کانفرنس دی تیاریاں دا جائزہ گھِدا گیا۔ ترجمان دفتر خارجہ موجب نائب وزیر اعظم اتے وزیر خارجہ او آئی سی سیکرٹریٹ اَتے متعلقہ وزارتاں نال گوڑھے رابطیاں نال کانفرنس دے کامیاب تھیوݨ دی اہمیت تے زور ݙتا۔ انہاں صنفی مساوات کوں ودھاوݨ اَتے تریمتیں کوں طاقتور بݨاوݨ اچ پاکستان دے فعال کردار کوں اڳونہا کریندے ݙسایا جو آوݨ آلی کانفرنس، او آئی سی دے فریم ورک ہیٹھ اتے ایندے توں ٻاہرو تریمتیں دے مسئلیں دے حل سانڳے پیش رفت کیتے پاکستان دے پکے ارادے کوں ݙکھیندی اے۔ اجلاس اچ قانون و انصاف، انفارمیشن ٹیکنالوجی اَتے ٹیلی کام دے وفاقی وزیراں، وزیر اعظم دے معاون خصوصی طارق باجوہ، سیکرٹری خارجہ آمنہ بلوچ، کابینہ ݙویژن، مذہبی امور، انسانی حقوق دے سیکرٹریز، او آئی سی اچ پاکستان دے مستقل نمائندے اَتے وزارت خارجہ اَتے ٻئے متعلقہ محکمیاں دے رکن شامل تھیے۔