آئی ایم ایف دا مالی اجراء ثبوت اے جو پاکستان معاشی استحکام تے ترقی کیتے ضروری اقدامات تے عملدرآمد کریندا پئے، وزیراعظم

اسلام آباد۔ 9 دسمبر(اے پی پی)وزیراعظم محمد شہباز شریف آکھیے جو عالمی مالیاتی فنڈ (آئی ایم ایف) دا حالیہ مالی اجراء ثبوت اے جو پاکستان معاشی استحکام اتے ترقی کیتے ضروری اقدامات تے عملدرآمد کریندا پئے، اصلاحاتی ایجنڈے دے نفاذ اتے معاشی ترقی دی راہ ہموار کرݨ اچ چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر دی معاونت دا اہم کردار اے۔ او ویلھا آوݨ آلا اے ڄݙاں پاکستان قرضیاں توں مکمل نجات حاصل کر تے معاشی طور تے خود کفیل تھی ویسی۔ وزیراعظم عالمی مالیاتی فنڈ (آئی ایم ایف) ولوں حکومتی معاشی اصلاحات تے اقدامات دے موثر نفاذ دی وجہ توں جاری پروگرام تحت مالی اجراء تے حکومت دی معاشی ٹیم دی کوششاں دی تعریف کیتی اے۔ وزیراعظم آکھیا جو عالمی مالیاتی فنڈ ولوں پاکستان اچ معاشی اصلاحات و اقدامات دے موثر نفاذ تے اطمینان کرݨ معاشی ٹیم بالخصوص وزیر خزانہ محمد اورنگزیب اتے انہاں دی ٹیم دی محنت دا واضح ثبوت اے۔ آئی ایم ایف ولوں حالیہ مالی اجراء ثبوت اے جو پاکستان معاشی استحکام اتے ترقی کیتے ضروری اقدامات تے عملدرآمد کریندا پئے۔ وزیراعظم آکھیا جو ڈیفالٹ دی کندھی توں ملک کوں استحکام اے ترقی دو ٹورݨ ہک اوکھا مرحلہ ہا جیںدے کیتے ساریاں رَل تے قربانی ݙتی اے۔ سیاسی جماعتاں سیاست دی قربانی ݙے تے قوم معاشی اوکھ برداشت کر تے ناممکن کوں ممکن کرݙتے۔ وزیراعظم آکھیا جو اللہ دے فضل تے کرم نال پاکستان دی معاشی اصلاحات تے ڈیجیٹائزیشن کامیاب کیس سٹڈی دے طور تے دنیا بھر اچ مثال بݨ ڳئی اے۔ پاکستان دی معاشی ترقی دا خواب انشاءاللہ تیکھے شرمندہ تعبیر تھی ویسی۔ وزیراعظم آکھیا جو بطور خادم پاکستان، پاکستانی عوام دی خوشحالی اتے ملک دی بیرونی قرضیاں توں مکمل نجات تئیں محنت جاری رکھی ویسی۔ انشاءاللہ او ویلھا دور کائینی جݙاں پاکستان قرضیاں توں مکمل نجات حاصل کر کے معاشی طور تے خود کفیل تھی ویسی۔