وزیراعظم شہباز شریف دا ٹرانسپرنسی انٹرنیشنل دی پاکستان اچ کرپشن بارے عوامی تاثر دی رپورٹ تے اطمینان

اسلام آباد۔ 9 دسمبر(اے پی پی)وزیراعظم محمد شہباز شریف ٹرانسپرنسی انٹرنیشنل دی پاکستان اچ کرپشن بارے عوامی تاثر تے مبنی رپورٹ تے اطمینان کریندے آکھیے جو سروے موجب عوام دی وݙی تعداد اے رائے ݙتی اے جو ساݙی حکومت اچ انہاں کوں کرپشن دا سامݨا نئیں کرݨا پیا، عوام دی اے رائے کرپشن دے خلاف جنگ تے شفافیت دے ودھارے دے حوالے نال ساݙی کوششاں دا اعتراف اے۔ ملک دی معیشت دی مزید بہتری، عوام کوں بہترین خدمات دی فراہمی اتے کرپشن دے مکمل خاتمے کیتے پرعزم ہیں۔ منگل کوں وزیراعظم آفس دے میڈیا ونگ ولوں جاری بیان موجب وزیراعظم ٹرانسپرنسی انٹرنیشنل دی پاکستان اچ کرپشن بارے عوامی تاثر تے مبنی رپورٹ تے اطمینان کریندے آکھیے جو سروے اچ عوام دی وݙی تعداد اے رائے ݙتی اے جو ساݙی حکومت دے دوران انہاں کوں کرپشن دا سامݨا نئیں کرݨا پیا، عوام دی اے رائے کرپشن دے خلاف جنگ اتے شفافیت دے ودھارے دے حوالے نال ساݙی کوششاں دا اعتراف اے۔ عوام دی اکثریت معیشت دی بحالی کیتے حکومتی اقدامات کوں کامیاب قرار ݙتے جیڑھا جو ٻہوں خوش آئند اے۔ ٹرانسپرنسی انٹرنیشنل دی اے رپورٹ حکومت ولوں کیتی ڳئی اصلاحات دی کامیابی دا ثبوت اے۔ وزیراعظم آکھیا جو اساں حکومت دے ہر شعبے اچ میرٹ اتے شفافیت نال بھرپور نظام کیتے ترجیحی بنیاداں تے کم کیتے اتے ایں حوالے نال مزید کم کریندے پین، بہتر تھیندے معاشی اشاریے، اصلاحات اتے حکومتی پالیسیاں تے اقدامات اتے مثبت عوامی رائے ٹیم ورک دا نتیجہ اے۔ نائب وزیراعظم و وزیر خارجہ اسحاق ڈار، چیف آف آرمی سٹاف و چیف آف ڈیفنس فورسز فیلڈ مارشل سید عاصم منیر، وزیر خزانہ محمد اورنگزیب اتے انہاں دی ٹیم دیاں کوششاں لائق تحسین ہین۔ وزیراعظم آکھیا جو معاشی استحکام توں ترقی دا سفر شروع تھی ڳئے، ملک دی معیشت دی مزید بہتری، عوام کوں بہترین خدمات دی فراہمی اتے کرپشن دے مکمل خاتمے کیتے پرعزم ہیں۔