اسلام آباد۔ 9 دسمبر (اے پی پی)سپیکر قومی اسمبلی سردار ایاز صادق دی زیرِ صدارت پارلیمنٹ ہاؤس اسلام آباد اچ پاݨی اَتے فوڈ سکیورٹی ڄھیں اہم قومی مسئلیاں تے اجلاس تھئے۔ اجلاس اچ اراکینِ قومی اسمبلی، چیئرمین واپڈا لیفٹیننٹ جنرل (ر) محمد سعید اَتے وزارتِ آبی وسائل دے حکام شرکت کیتی۔ سپیکر قومی اسمبلی آکھیا جو پاݨی دی قلت ہک سنگین قومی مسئلہ اے جیںدے حل کیتے سارے سٹیک ہولڈرز …
سپیکر قومی اسمبلی دی صدارت اچ پاݨی اَتے فوڈ سکیورٹی دے مسئلیاں بارے اجلاس
مزید خبراں
اسلام آباد۔ 9 دسمبر (اے پی پی)سپیکر قومی اسمبلی سردار ایاز صادق دی زیرِ صدارت پارلیمنٹ ہاؤس اسلام آباد اچ پاݨی اَتے فوڈ سکیورٹی ڄھیں اہم قومی مسئلیاں تے اجلاس تھئے۔ اجلاس اچ اراکینِ قومی اسمبلی، چیئرمین واپڈا لیفٹیننٹ جنرل (ر) محمد سعید اَتے وزارتِ آبی وسائل دے حکام شرکت کیتی۔ سپیکر قومی اسمبلی آکھیا جو پاݨی دی قلت ہک سنگین قومی مسئلہ اے جیںدے حل کیتے سارے سٹیک ہولڈرز کوں موثر اَتے ہنگامی بنیاداں تے اقدامات کرݨے ہوسن۔ انہاں آکھیا جو ایں اہم موضوع دی حساسیت کوں ݙیھدے ہوئیں اجلاس اچ اپوزیشن اراکینِ اسمبلی کوں وی خصوصی طور تے سݙیے تاں جو سانجھی صلاح نال قومی سطح تے جامع حکمتِ عملی بݨائی ونج سگے۔انہاں آکھیا جو پاکستان دے مستقبل کوں محفوظ بݨاوݨ کیتے آبی وسائل دے تحفظ اَتے فوڈ سکیورٹی دے مسئلیاں دا حل ٻہوں لازمی اے، ایں اہم قومی مسئلے دے حل کیتے قومی یکجہتی اَتے اجتماعی کوششاں ویلھے دی وݙی لوڑھ ہین۔ اجلاس اچ چیئرمین واپڈا لیفٹیننٹ جنرل (ر) محمد سعید ملک کوں درپیش آبی چینلجز، پاݨی دے ذخائر، جاری منصوبیاں اَتے مستقبل دیاں ضرورتاں بارے تفصیلی بریفنگ ݙتی۔ سپیکر قومی اسمبلی سارے متعلقہ اداریاں کوں ہدایت کیتی جو پاݨی دے مسئلیاں بارے حکومتی و پارلیمانی سطح تے موثر اَتے قابلِ عمل سفارشات جلدی توں جلدی مرتب کیتاں ونجن تاں جو ملک کوں درپیش چینلجز نال ویلھے سر نمٹیا ونڄ سڳے۔
