ٹرانسپیرنسی انٹرنیشنل دی حالیہ رپورٹ ملک دی معاشی سمت درست تھیوݨ دا واضح ثبوت اے، بیرسٹر عقیل ملک اَتے بیرسٹر دانیال چوہدری دی سانجھی پریس کانفرنس

اسلام آباد۔ 9 دسمبر(اے پی پی)وزیر مملکت برائے قانون بیرسٹر عقیل ملک اَتے وفاقی پارلیمانی سیکرٹری اطلاعات و نشریات بیرسٹر دانیال چوہدری آکھیے جو ٹرانسپیرنسی انٹرنیشنل دی حالیہ رپورٹ ملک دی معاشی سمت درست تھیوݨ دا واضح ثبوت اے، رپورٹ موجب66 فیصد لوکاں ملک اچ کرپشن اچ کمی دا اعتراف کیتے۔ پریس کانفرنس اچ وزیر مملکت بیرسٹر عقیل ملک وزیراعظم دیاں کوششاں کوں سراہندے آکھیا جو ملک کوں ݙیوالا تھیوݨ دے خطرے توں کامیابی نال کڈھ تے ہݨ معاشی ترقی دی راہ تے سٹ ݙتا ڳئے، عالمی ادارے وی پاکستان دی معاشی بہتری کوں منیندے پئن اَتے عوام دا حکومتی اداریاں تے اعتماد ودھدا پئے، اے کامیابی حکومت دیاں مسلسل کوششاں دا نتیجہ اے۔ انہاں افواج پاکستان کوں نشانہ بݨاوݨ آلیاں کوں درحقیقت دشمن کوں موقع ݙیوݨ دی کوشش قرار ݙتے۔ ایں موقع تے بیرسٹر دانیال چوہدری آکھیا جو خیبر پختونخوا اچ 13 سال توں پی ٹی آئی دی حکومت اے، جتھاں احتساب دے ادارے کوں تالا لڳیا ہویا اے۔ انہاں آکھیا جو مسلم لیگ (ن) ہمیشہ مفاہمت دی سیاست تے یقین رکھدی اے اَتے کݙاہیں انتقامی سیاست نئیں کیتی۔ انہاں معیشت دی بحالی دا ݙسیندے آکھیا جو ملک کوں ݙیوالہ تھیوݨ دے خطرے توں کڈھ تے معاشی ترقی دی راہ ہموار کیتی گئی اے۔ انہاں فرنٹ لائن ورکرز اَتے افواج پاکستان دے جواناں دیاں قربانیاں کوں خراج تحسین پیش کیتا اَتے آکھیا جو پروپیگنڈا کرݨ آلے ناکام تھیسن