اسلام آباد۔ 10 دسمبر (اے پی پی) وفاقی وزیر داخلہ محسن نقوی یومِ شہادت تے پاک فوج دے دلیر سپوت سوار محمد حسین شہید کوں سلام پیش کیتے اَتے انہاں کوں خراجِ عقیدت پیش کیتے۔اپݨے بیان اچ محسن نقوی آکھیا جو او شکرگڑھ دے محاذ تے جرات دی نویں تاریخ رقم کرݨ آلے بہادر سپاہی کوں خراج عقیدت پیش کریندن۔ محسن نقوی سوار محمد حسین شہید دیاں خدمات دی تعریف …
وفاقی وزیر داخلہ محسن نقوی دا پاک فوج دے دلیر سپوت سوار محمد حسین شہید کوں سلام اَتے خراجِ عقیدت
مزید خبراں
اسلام آباد۔ 10 دسمبر (اے پی پی) وفاقی وزیر داخلہ محسن نقوی یومِ شہادت تے پاک فوج دے دلیر سپوت سوار محمد حسین شہید کوں سلام پیش کیتے اَتے انہاں کوں خراجِ عقیدت پیش کیتے۔اپݨے بیان اچ محسن نقوی آکھیا جو او شکرگڑھ دے محاذ تے جرات دی نویں تاریخ رقم کرݨ آلے بہادر سپاہی کوں خراج عقیدت پیش کریندن۔ محسن نقوی سوار محمد حسین شہید دیاں خدمات دی تعریف کریندے آکھیا جو سوار محمد حسین شہید فولادی عزم نال دشمن دا ڈٹ تے مقابلہ کیتا، انہاں مزید آکھیا جو سوار محمد حسین گولہ باری اَتے گولیاں دی بوچھاڑ دے باوجود دشمن دیاں خفیہ پوزیشناں دی نشاندہی کریندے رہیے ہن۔ سوار محمد حسین جان دی پرواہ کیتے بغیر دشمن دے ٹھکاݨے بارے فیصلہ کن معلومات ݙتیاں ہن۔ محسن نقوی ݙسیا جو سوار محمد حسین شہید دی درست نشاندہی پاکستانی فوج دی پیش قدمی کوں موثر بݨایا ۔وزیر داخلہ شہید دی قربانی کوں خراج تحسین پیش کریندے آکھیا جو آتش و آہن دے وچ سوار محمد حسین آخری دم تئیں دشمن دیاں گن پوزیشناں ݙسیندے جامِ شہادت نوش کیتا ۔ محسن نقوی آکھیا جو سوار محمد حسین دی شہادت پاک فوج دے ہر جوان کیتے ثابت قدمی اَتے شجاعت دا روشن حوالہ بݨ ڳئی اے۔ انہاں زور ݙتا جو سوار محمد حسین دا معرکہ دشمنان پاکستان کیتے ݙو ٹوک پیغام اے جو ساݙا ہر سپاہی وطن تے جان نچھاور کرݨ کوں اعزاز سمجھدے
