اسلام آباد۔ 10 دسمبر(اے پی پی) وزیر مملکت موسمیاتی تبدیلی ڈاکٹر شذرہ منصب علی خان آکھیے جو وزیراعظم شہباز شریف ماحولیاتی تبدیلیاں دے اثرات نال نبٹݨ کیتے متحرک اَتے پُرعزم ہن، وزیراعلیٰ پنجاب، پنجاب اچ موسمیاتی اثرات نال نبݨݨ کیتے اہم اقدامات چاتن۔قومی اسمبلی اچ وقفہ سوالات دے دوران مختلف سوالاں دے جواب اچ انہاں ݙسیا جو پنجاب اچ سموگ دی مانیٹرنگ کیتے سموگ گن مل ڳھدیاں ڳئن ، سارے …
وزیراعظم ماحولیاتی تبدیلیاں دے اثرات نال نبݨݨ کیتے متحرک اَتے پُرعزم ہن، وزیر مملکت موسمیاتی تبدیلی ڈاکٹر شذرہ منصب علی خان
مزید خبراں
اسلام آباد۔ 10 دسمبر(اے پی پی) وزیر مملکت موسمیاتی تبدیلی ڈاکٹر شذرہ منصب علی خان آکھیے جو وزیراعظم شہباز شریف ماحولیاتی تبدیلیاں دے اثرات نال نبٹݨ کیتے متحرک اَتے پُرعزم ہن، وزیراعلیٰ پنجاب، پنجاب اچ موسمیاتی اثرات نال نبݨݨ کیتے اہم اقدامات چاتن۔قومی اسمبلی اچ وقفہ سوالات دے دوران مختلف سوالاں دے جواب اچ انہاں ݙسیا جو پنجاب اچ سموگ دی مانیٹرنگ کیتے سموگ گن مل ڳھدیاں ڳئن ، سارے ضلعیں اچ چووی گھنٹے سموگ اَتے ایئر کوالٹی دی مانیٹرنگ کیتی ویندی اے، پنجاب اچ بھٹہ سازی وچ زگ زیگ ٹیکنالوجی متعارف کروائی ڳئی اے اَتے صنعتاں اچ وی ایں تے عمل کیتا ویندے پئے ۔ انہاں ݙسیا جو اسلام آباد اچ ساریں توں زیادہ آلودگی گاݙیاں دی وجہ نال اے، دھواں چھوڑݨ آلی اَتے پُراݨیاں 800 گاݙیاں بند کیتیاں ڳئن، اسلام آباد اچ انڈسٹریل ای ویسٹ تے سخت پابندیاں ہن، حکومت دی اجازت دے بغیر کوئی انڈسٹریل ای ویسٹ درآمد نی تھی سڳدی۔
