انسانی حقوق دا احترام معاشرے دی ترقی اَتے خوشحالی دا سنگ بنیاد اے، مریم نواز شریف

لاہور۔ 10 دسمبر (اے پی پی) وزیراعلیٰ مریم نواز شریف آکھیے جو انسانی حقوق دا احترام معاشرے دی ترقی اَتے خوشحالی دا سنگ بنیاد اے، حضرت محمدﷺ انسانی حقوق تے پہلا جامع چارٹر خطبہ حجتہ الوداع وچ ابدی اَتے لافانی پیغام ݙتا ہئی۔ دین اسلام انسانی حقوق دا ساریں توں وݙا داعی اے۔وزیراعلیٰ مریم نواز شریف انسانی حقوق دے عالمی ݙینھ تے اپݨے پیغام اچ آکھیا جو حضرت محمد صلی اللہ علیہ وسلم انسانی حقوق دا بے مثال چارٹر ڈے تے انسانیت تے احسان کیتے۔ 10 دسمبر انسانی حقوق بارے شعور و آگاہی بیدار کرݨ دا ݙینھ اے۔ ہر انسان رنگ، نسل، مذہب، جنس یا حیثیت توں بالاتر انسانی حقوق رکھیندے۔وزیراعلیٰ مریم نواز شریف آکھیا جو انسانی حقوق دا تحفظ اَتے فروغ مسلم لیگ (ن) دا وژن اَتے پہلی ترجیح اے۔ تعلیم، صحت، مذہبی آزادی، اظہارِ رائے اَتے بنیادی ضرورتاں تئیں رسائی یقینی بݨائی ویندی پئی اے۔ حکومت پنجاب انسانی حقوق دی پاسداری کیتے سرگرم عمل اے۔ اساں ایجھا معاشرہ تشکیل ݙیوݨ چاہندوں جتھاں ہر شہری کوں مساوی موقع، انصاف اَتے عزت حاصل تھیوے۔ انسانی حقوق دے تحفظ کیتے معاشرے اچ محبت، احترام اَتے رواداری دا ودھارا ضروری اے۔ پنجاب حکومت شہریاں دے بنیادی حقوق دے تحفظ کیتے عملی اقدامات کیتن۔ اساں ہر شہری دے انسانی حقوق دے تحفظ دے عزم دا اعادہ کریندوں