اسلام آباد۔ 11 دسمبر (اے پی پی) وفاقی وزیر تجارت جام کمال خان نال ترکیہ دے اعلیٰ سطح دے وفد اتھاں ملاقات کیتی۔ ملاقات وچ ایوی ایشن، ڈیفنس مینوفیکچرنگ اَتے ہائی ٹیک صنعتاں وچ تعاون تے ڳالھ مہاڑ کیتی ڳئی۔ وزارت تجارت توں جاری بیان موجب، ملاقات وچ ترکیہ دے وفد پاکستان اچ جوائنٹ وینچرز اَتے ٹیکنالوجی ٹرانسفر اَتے پاکستان اچ مینوفیکچرنگ یونٹ قائم کرݨ وچ دلچسپی دا اظہار کیتا۔وفاقی …
وفاقی وزیر تجارت جام کمال خان دی ترکیہ دے اعلیٰ سطح دے وفد نال ملاقات
اسلام آباد۔ 11 دسمبر (اے پی پی) وفاقی وزیر تجارت جام کمال خان نال ترکیہ دے اعلیٰ سطح دے وفد اتھاں ملاقات کیتی۔ ملاقات وچ ایوی ایشن، ڈیفنس مینوفیکچرنگ اَتے ہائی ٹیک صنعتاں وچ تعاون تے ڳالھ مہاڑ کیتی ڳئی۔ وزارت تجارت توں جاری بیان موجب، ملاقات وچ ترکیہ دے وفد پاکستان اچ جوائنٹ وینچرز اَتے ٹیکنالوجی ٹرانسفر اَتے پاکستان اچ مینوفیکچرنگ یونٹ قائم کرݨ وچ دلچسپی دا اظہار کیتا۔وفاقی وزیر جام کمال خان ݙو طرفہ صنعتی اَتے اقتصادی تعلقات مزید مضبوط بݨاوݨ تے زور ݙِتا اَتے ایرو سپیس، ڈیفنس پروڈکشن، منرلز اَتے ݙوئل یوز مینوفیکچرنگ وچ تعاون دے وݙے امکانات کوں اُجاگر کیتا۔ وفاقی وزیر ترک کمپنیاں کوں خطے دیاں مارکیٹاں کیتے سٹریٹجک پروڈکشن پارٹنر بݨاوݨ دی پیشکش کیتی۔ ترکیہ دے وفد پاکستان دے سٹریٹجک وژن دی تعریف اَتے لمبے عرصے دے تعاون دی خواہش دا اظہار کیتا۔ ݙوہیں فریقین بزنس ٹو بزنس رابطے، سرمایہ کاری تے مبنی صنعتی سانجھے داری اَتے ٹیکنالوجیکل تعاون ودھاوݨ اَتے مستقبل وچ بینکاری اَتے تجارتی سہولت کاری میکانزم مضبوط بݨاوݨ تے اتفاق کیتا۔
