اسلام آباد۔ 11 دسمبر (اے پی پی) سپیکر قومی اسمبلی سردار ایاز صادق پارلیمنٹ لاجز دا دورہ کیتا، وزیر مملکت داخلہ و انسدادِ منشیات طلال چوہدری وی انہاں دے نال ہن۔ سردار ایاز صادق104 اضافی فیملی سوئٹس دے تعمیراتی منصوبے تے پیشرفت دا جائزہ گھِدا اَتے زیر تعمیر ماڈل پراجیکٹ دا معائنہ کیتا۔ اے منصوبہ2011وچ شروع تھیا ہئی اَتے2013 وچ مکمل تھیوݨا ہئی۔ قومی اسمبلی سیکرٹریٹ موجب، سپیکر سردار ایاز …
سپیکر قومی اسمبلی سردار ایاز صادق دا پارلیمنٹ لاجز دا دورہ
اسلام آباد۔ 11 دسمبر (اے پی پی) سپیکر قومی اسمبلی سردار ایاز صادق پارلیمنٹ لاجز دا دورہ کیتا، وزیر مملکت داخلہ و انسدادِ منشیات طلال چوہدری وی انہاں دے نال ہن۔ سردار ایاز صادق104 اضافی فیملی سوئٹس دے تعمیراتی منصوبے تے پیشرفت دا جائزہ گھِدا اَتے زیر تعمیر ماڈل پراجیکٹ دا معائنہ کیتا۔ اے منصوبہ2011وچ شروع تھیا ہئی اَتے2013 وچ مکمل تھیوݨا ہئی۔ قومی اسمبلی سیکرٹریٹ موجب، سپیکر سردار ایاز صادق دی درخواست تے وزیراعظم محمد شہباز شریف فنڈز جاری کرݨ دے احکامات جاری کیتے اَتے انہاں دیاں ان تھک کوششاں دی بدولت گزریل ݙھاکے توں رکیا ہویا تعمیراتی کم ول شروع تھیا۔سپیکرسردار ایاز صادق سی ڈی اے کوں معیار اَتے ویلھے سر تکمیل یقینی بݨاوݨ دی ہدایت کریندے آکھیا جو ارکان پارلیمنٹ کوں رہائش دے مسئلیں دا سامݨا اے، منصوبے دی ویلھے سر تکمیل وچ کوئی کوتاہی برداشت نہ کیتی ویسی۔ واضح رہے جو سپیکر سردار ایاز صادق دی خصوصی نگرانی نال منصوبہ تکمیل دے چھیکڑی مرحلے اچ داخل تھی ڳئے۔
