لاہور۔ 12 دسمبر(اے پی پی) وزیرِ اعلیٰ پنجاب مریم نواز نال نیدرلینڈز دے سفیر رابرٹ جان سیگرٹ ملاقات کیتی اے۔ ملاقات اچ تجارت، سرمایہ کاری، زراعت، اعلیٰ تعلیمی اداریاں، ٹیکنیکل ٹریننگ، واٹر مینجمنٹ، تعلیم اَتے تحقیق اچ ݙچ تعاون ودھاوݨ تے اتفاق اَتے ٻئے امور تے ڳالھ مہاڑ کیتی ڳئی۔ وزیرِ اعلیٰ مریم نواز نیدرلینڈز دے سفیر دی حالیہ تعیناتی تے نیک تمناواں پچیندے آکھیا جو آلو دی بہتر …
وزیرِ اعلیٰ پنجاب مریم نواز نال نیدرلینڈز دے سفیر رابرٹ جان سیگرٹ دی ملاقات
لاہور۔ 12 دسمبر(اے پی پی) وزیرِ اعلیٰ پنجاب مریم نواز نال نیدرلینڈز دے سفیر رابرٹ جان سیگرٹ ملاقات کیتی اے۔ ملاقات اچ تجارت، سرمایہ کاری، زراعت، اعلیٰ تعلیمی اداریاں، ٹیکنیکل ٹریننگ، واٹر مینجمنٹ، تعلیم اَتے تحقیق اچ ݙچ تعاون ودھاوݨ تے اتفاق اَتے ٻئے امور تے ڳالھ مہاڑ کیتی ڳئی۔ وزیرِ اعلیٰ مریم نواز نیدرلینڈز دے سفیر دی حالیہ تعیناتی تے نیک تمناواں پچیندے آکھیا جو آلو دی بہتر پیداوار کیتے نیدرلینڈز دی سانجھے داری انقلاب گھن آ سڳدی اے۔ مریم نواز دا آکھݨ ہا جو ݙچ کمپنیاں دی پاکستان اچ موجودگی سرمایہ کاراں دا اعتماد اَتے حوصلہ افزائی اے، پاکستان اَتے نیدرلینڈز دے باہمی تعلقات سانجھے ترقیاتی اہداف تے مبنی ہن۔ مریم نواز آکھیا جو پنجاب سرمایہ کاراں کوں چنڳا ماحول ݙیندے، پاکستان اَتے نیدرلینڈ وچال تعاون کوں ٻیا اڳو تے ودھاوݨ چاہندے ہیں۔
