نائب وزیر اعظم و وزیر خارجہ اسحاق ڈار 16 ویں سر بنی یاس فورم اچ شرکت کریسن

اسلام آباد۔ 12 دسمبر(اے پی پی)نائب وزیر اعظم و وزیرِ خارجہ سینیٹر محمد اسحاق ڈار متحدہ عرب امارات دے نائب وزیر اعظم و وزیرِ خارجہ شیخ عبداللہ بن زید النہیان دی دعوت تے 12  توں 14 دسمبر 2025 تئیں تھیوݨ آلے 16 ویں سر بنی یاس فورم اچ شرکت کریسن۔ سر بنی یاس فورم ھک اعلیٰ سطح دا سالانہ اجتماع اے جیںدے اچ سینئر عالمی رہنما، پالیسی ساز اَتے ماہرین خطے اَتے عالمی سطح دے اہم امور جیندے اچ امن، سکیورٹی اَتے اقتصادی تعاون شامل ہن۔ دفتر خارجہ توں جاری بیان دے مطابق، فورم دے دوران نائب وزیر اعظم و وزیرِ خارجہ اسحاق ڈار علاقائی استحکام، پائیدار ترقی اَتے معاشی سانجھے داری دے ودھارے بارے موضوعات تے عالمی رہنماواں اَتے ماہرین نال مشاورت کریسن۔ او پاکستان دا موقف وی پیش کریسن جیںدے اچ مکالمے دے فروغ، علاقائی چیلنجز دے حل اَتے اقتصادی تعاون دے موقعے ودھاوݨ تے زور ݙِتا ویسی۔