آئی ایس پی آر دا نواں نغمہ ’’پاک سرزمینیوں‘‘ جاری

اسلام آباد۔ 13 دسمبر (اے پی پی) آئی ایس پی آر معروف گلوکار اسرار دی آواز وچ ’’پاک سرزمینیوں‘‘ دے عنوان نال نواں قومی نغمہ جاری کرݙتا۔ تفصیل موجب ، آئی ایس پی آر دی طرفوں جاری کیتا ڳیا نغمہ، تِرائی مسلح افواج دی یکجہتی اَتے وطن نال بے مثال وفا دی وݙی داستان اے۔ نغمے وچ حق دی جنگ دے دوران پاکستان دی مسلح فوج دے دفاع وطن دی شاندار عکاسی کیتی ڳئی اے۔ نغمے وچ خون دے چھیکڑی قطرے تئیں وطن کیتے قربانیاں ݙیوݨ اَتے اڳوں ودھدے رہݨ دا عزم شامل اے۔نغمے وچ بہادری، قربانی اَتے وطن دے وقار دا سوہݨا امتزاج شامل اے۔ نغمے دے ذریعے سرحداں دے محافظ پاک فوج دے جان بازاں کوں زبردست خراجِ تحسین پیش کیتا ڳیا۔ آسماناں دی رکھوالی پاک فضائیہ دی پیشہ ورانہ مہارت اَتے جُرأت مندانہ کردار کوں نغمے وچ سوہݨائی نال اُجاگر کیتا ڳیا۔ نغمے وچ ملک دیاں بحری سرحداں دی پاسبان پاک بحریہ دے شاندار کارنامیاں دی تعریف کیتی ڳئی۔ نغمے وچ وطن نال محبت اَتے شہیداں دیاں لازوال قربانیاں کوں بھرپور خراجِ عقیدت پیش کیتا ڳئے۔ آئی ایس پی آر دا جاری کیتا ڳیا نواں قومی نغمہ قربانی اَتے عہدِ وفا دی نویں کرݨ دا پیکر اے