اسلام آباد۔ 13 دسمبر (اے پی پی) وزیراعظم محمد شہباز شریف اَتے برطانیہ دی وزیرِ مملکت بین الاقوامی ترقی دی رائیٹ آنر ایبل بیرونس چیپمین اہم شعبیں وچ تعاون کوں مزید وسعت ݙیوݨ دے سانجھے عزم کوں دُہرائے۔ وزیراعظم دفتر دے میڈیا ونگ توں جاری بیان موجب، وزیراعظم محمد شہباز شریف نال برطانیہ دی وزیر مملکت بین الاقوامی ترقی دی رائیٹ آنر ایبل بیرونس چیپمین وزیراعظم ہاؤس وچ ملاقات کیتی۔وزیراعظم …
وزیراعظم شہباز شریف نال برطانوی وزیر مملکت بیرونس چیپمین دی ملاقات
اسلام آباد۔ 13 دسمبر (اے پی پی) وزیراعظم محمد شہباز شریف اَتے برطانیہ دی وزیرِ مملکت بین الاقوامی ترقی دی رائیٹ آنر ایبل بیرونس چیپمین اہم شعبیں وچ تعاون کوں مزید وسعت ݙیوݨ دے سانجھے عزم کوں دُہرائے۔ وزیراعظم دفتر دے میڈیا ونگ توں جاری بیان موجب، وزیراعظم محمد شہباز شریف نال برطانیہ دی وزیر مملکت بین الاقوامی ترقی دی رائیٹ آنر ایبل بیرونس چیپمین وزیراعظم ہاؤس وچ ملاقات کیتی۔وزیراعظم اَتے برطانیہ دی وزیر مملکت بین الاقوامی ترقی سانجھی دلچسپی دے امور جنہاں وچ ترقیاتی تعاون، موسمیاتی تبدیلی، اقتصادی تعاون اَتے وݙے علاقائی امور شامل ہن، تے ڳالھ مہاڑ کیتی۔ انہاں اہم شعبیں وچ تعاون کوں مزید وسعت ݙیوݨ کیتے آپݨے سانجھے عزم کوں دُہرایا۔ملاقات وچ وزیراعظم ایں ڳالھ تے زور ݙِتا جو پاکستان اَتے برطانیہ وچال سانجھی تاریخ، مضبوط ادارہ جاتی رابطیں اَتے سانجھے احترام تے مبنی پراݨے تعلقات ہن۔ انہاں برطانیہ وچ پاکستانی تارکین وطن دے متحرک کردار دا وی ذکر کیتا جو ݙوہیں ملکاں وچال اہم پُل دے طور تے کم کریندے پئن۔ وزیراعظم ایں دورے کوں ݙو طرفہ مذاکرات کوں اڳوں ودھاوݨ دا ھک اہم موقع قرار ݙیندے ایں دا خیرمقدم کیتا اَتے ایں اعتماد دا اظہار کیتا جو اے دورہ پاکستان اَتے برطانیہ وچال سانجھے داری کوں مضبوط بݨاوݨ وچ مددگار ثابت تھیسی۔
