اسلام آباد۔ 13 دسمبر (اے پی پی) ایس آئی ایف سی دیاں مؤثر پالیسیاں پاروں پاکستان اَتے ترکیہ وچال اقتصادی تعاون دے نویں موقع دا رستہ ہموار تھئے، وفاقی وزیر تجارت جام کمال خان دی ترکیہ دے اعلیٰ سطحی وفد نال ملاقات تھئی۔ وفد وچ ایوی ایشن، طیارہ سازی، ایرو سپیس انجینئرنگ، ݙرون ٹیکنالوجی، دفاعی نظام، آٹوموٹو انجینئرنگ اَتے ایڈوانسݙ میٹریلز دے سینئر ماہرین وی شامل ہن۔پاکستان اَتے ترکیہ ایوی …
وفاقی وزیر تجارت دی ترکیہ دے اعلیٰ سطحی وفد نال ملاقات
اسلام آباد۔ 13 دسمبر (اے پی پی) ایس آئی ایف سی دیاں مؤثر پالیسیاں پاروں پاکستان اَتے ترکیہ وچال اقتصادی تعاون دے نویں موقع دا رستہ ہموار تھئے، وفاقی وزیر تجارت جام کمال خان دی ترکیہ دے اعلیٰ سطحی وفد نال ملاقات تھئی۔ وفد وچ ایوی ایشن، طیارہ سازی، ایرو سپیس انجینئرنگ، ݙرون ٹیکنالوجی، دفاعی نظام، آٹوموٹو انجینئرنگ اَتے ایڈوانسݙ میٹریلز دے سینئر ماہرین وی شامل ہن۔پاکستان اَتے ترکیہ ایوی ایشن، دفاعی پیداوار اَتے ہائی ٹیک صنعتاں وچ تعاون ودھاوݨ دے عزم دا اعادہ کیتا۔ ترک وفد ولوں پاکستان وچ سانجھے منصوبیں، ٹیکنالوجی ٹرانسفر اَتے مقامی مینوفیکچرنگ وچ دلچسپی دا اظہار کیتا ڳیا۔ ݙوہیں ملکاں وچال ݙو طرفہ پراݨی سانجھے داری اَتے ایرو سپیس، دفاعی پیداوار، اَتے منرلز ݙیولپمنٹ وچ وسیع تعاون تے اتفاق تھیا۔ پاکستان دے مضبوط انجینئرنگ بیس اَتے قیمتی معدنی وسائل کوں ݙوہیں ملکاں دے صنعتی تعاون کیتے بنیادی قوت قرار ݙِتا ڳیا۔ ایرو سپیس اَتے دفاعی پیداوار وچ ترک سرمایہ کاری نال پاکستان دی ملکی پیداوار اَتے برآمدات وچ ودھارا تھیوݨ دی توقع اے۔
