پنجاب حکومت عوام دی فلاح و بہبود دے منصوبیں تے عملدرآمد کریندی پئی اے، رانا تنویر حسین

شیخوپورہ۔ 13 دسمبر (اے پی پی) وفاقی وزیر نیشنل فوڈ سکیورٹی اَتے ریسرچ رانا تنویر حسین چیئرمین پنجاب ماڈل بازار ملک محمد افضل کھوکھر، ڈپٹی کمشنر شیخوپورہ شاہد عمران مارتھ، رکن پنجاب اسمبلی رانا طاہر اقبال دے نال ماڈل بازار شرقپور شریف دا افتتاح کر ݙتا۔وفاقی وزیر رانا تنویر حسین آکھیا جو پنجاب حکومت عوام دیاں ضرورتاں کوں سامݨے رکھیندے سہولت بازاراں دا آغاز کیتے۔ اے وزیراعلیٰ پنجاب مریم نواز شریف دا انقلابی قدم اے، جیں دا بنیادی مقصد عوام کوں ریلیف ݙیوݨا اے۔ انہاں آکھیا جو نون لیگ دی حکومت خوشحال، روشن اَتے مضبوط پاکستان دے قیام کیتے حاصل وسیلیں کوں استعمال کریندی پئی اے۔