اسلام آباد۔ 13 دسمبر(اے پی پی) سپیکر قومی اسمبلی سردار ایاز صادق غزہ وچ اڄوکے طوفانی مینھ پاروں تھیوݨ آلے قیمتی جانی تے مالی ضیان تے ݙکھ تے افسوس کیتے ۔ انہاں متاثرہ فلسطینی خانداناں نال دِلی ہمدردی اَتے تعزیت دا اظہار کیتے۔سپیکر سردار ایاز صادق آکھیا جو سخت مینھ پاروں غزہ وچ بے گھر فلسطینیاں دیاں مشکلات تشویشناک حد تئیں ودھ ڳئن اَتے کمزور پناہ گاہواں و خیمے مزید …
سردار ایاز صادق دا غزہ وچ طوفانی مینھ پاروں تھیوݨ آلے جانی و مالی ضیان تے ݙکھ تے افسوس
اسلام آباد۔ 13 دسمبر(اے پی پی) سپیکر قومی اسمبلی سردار ایاز صادق غزہ وچ اڄوکے طوفانی مینھ پاروں تھیوݨ آلے قیمتی جانی تے مالی ضیان تے ݙکھ تے افسوس کیتے ۔ انہاں متاثرہ فلسطینی خانداناں نال دِلی ہمدردی اَتے تعزیت دا اظہار کیتے۔سپیکر سردار ایاز صادق آکھیا جو سخت مینھ پاروں غزہ وچ بے گھر فلسطینیاں دیاں مشکلات تشویشناک حد تئیں ودھ ڳئن اَتے کمزور پناہ گاہواں و خیمے مزید غیر محفوظ تھی ڳئن۔ خوراک، صاف پاݨی اَتے ٻئیاں بنیادی سہولتاں دی سخت کمی عوام کوں انتہائی اوکھے حالات نال ݙوچار کر ݙتے۔ انہاں آکھیا جونشوم شہری ھک پاسے شدید موسمی حالات اَتے ݙوجھے پاسے سنگین انسانی بحران دا ٻوجھ برداشت کریندے پئن جݙاں جو قابض اسرائیلی افواج ولوں امدادی سرگرمیاں وچ رُکاوٹاں انسانی بحران کوں مزید سنگین بݨیندیاں پئن۔سپیکر قومی اسمبلی آکھیا جو غزہ وچ تھیوݨ آلے جانی نقصان تے پوری پاکستانی قوم غمزده اے اَتے ایں ݙکھے ویلھے پاکستان دی پارلیمان اَتے عوام غزہ دے عوام نال پُوری یکجہتی دا اظہار کریندن۔ انہاں عالمی اداریں توں مطالبہ کیتا جو موسمِ پاسے پاروں غزہ کیتے امدادی راہداریاں وقتی طور تے کھلواوݨ کیتے کردار ادا کرن تاں جو متاثرہ عوام کوں ویلھے سر انسانی امداد ݙتی ونڄ سڳے۔
