صدرِ مملکت آصف علی زرداری دی ریورس ڈرائیونگ وچ نواں عالمی ریکارڈ بݨاوݨ تے سلطان گولڈن کوں مبارخ

اسلام آباد۔ 13 دسمبر(اے پی پی) صدرِمملکت آصف علی زرداری ریورس ڈرائیونگ وچ نواں عالمی ریکارڈ بݨاوݨ تے سلطان گولڈن کوں مبارخ ݙیندے آکھیے جو ایں نال پاکستان دے چنڳے تشخص کوں مزید مضبوطی مِلی اے۔ ایوان صدر دے میڈیا ونگ توں جاری بیان موجب صدرِ مملکت آکھیا جو سلطان گولڈن دی اے کامیابی پاکستانی قوم دے حوصلے، مہارت اَتے نہ بدلݨ آلے لگن کوں ظاہر کریندی اے ۔ انہاں آکھیا جو ایں شاندار کارنامے نال عالمی سطح تے پاکستان دے چنڳے تشخص کوں مزید تقویت مِلی اے۔انہاں سلطان گولڈن کیتے نیک خواہشات دا اظہار کریندے انہاں دے روشن مستقبل اَتے مزید کامیابیاں کیتے دعا کیتی۔