اسلام آباد۔ 14 دسمبر (اے پی پی) ایس آئی ایف سی دی مؤثر سہولت کاری نال پاکستان وچ سرمایہ کاری دے ودھارے دے اقدامات جاری ہن، وفاقی وزیر بورڈ آف انویسٹمنٹ قیصر احمد شیخ دی چین دے ہیبی جوہانگ انرجی ٹیکنالوجی گروپ دے وفد نال اہم ملاقات تھئی جیں وچ چین دے وفد پاکستان وچ سولر انرجی اَتے ہائی ٹیک شعبیں وچ ارباں ڈالر دی سرمایہ کاری وچ دلچسپی دا …
پاک چین اقتصادی سانجھے داری وچ پیش رفت، پاکستان وچ سولر اَتے ہائی ٹیک شعبیں وچ سرمایہ کاری دے نویں موقع
اسلام آباد۔ 14 دسمبر (اے پی پی) ایس آئی ایف سی دی مؤثر سہولت کاری نال پاکستان وچ سرمایہ کاری دے ودھارے دے اقدامات جاری ہن، وفاقی وزیر بورڈ آف انویسٹمنٹ قیصر احمد شیخ دی چین دے ہیبی جوہانگ انرجی ٹیکنالوجی گروپ دے وفد نال اہم ملاقات تھئی جیں وچ چین دے وفد پاکستان وچ سولر انرجی اَتے ہائی ٹیک شعبیں وچ ارباں ڈالر دی سرمایہ کاری وچ دلچسپی دا اظہار کیتا۔ وفد پاکستان وچ وݙے پیمانے تے سولر پینل مینوفیکچرنگ پلانٹ لاوݨ دی تجویز وی پیش کیتی۔ملاقات وچ بیجنگ وچ ستمبر 2025 وچ تھیوݨ آلی پاکستان-چین بی ٹو بی انویسٹمنٹ کانفرنس دے نتائج دا جائزہ گھدا ڳیا۔ کانفرنس دے دوران متعدد ترجیحی شعبیں وچ 8.5 بلین امریکی ڈالر دے معاہدے اَتے سانجھے منصوبے طے پائے۔ پاکستان چین دے سرمایہ کاراں کیتے محفوظ، پُرکشش اَتے تکھے ودھدا ہویا سرمایہ کاری دا مرکز قرار ݙتا ڳیا۔وفاقی وزیر بورڈ آف انویسٹمنٹ قیصراحمد شیخ آکھیا جو پاکستان اقتصادی استحکام دی راہ تے ٹُردا پئے، سٹاک مارکیٹ انڈیکس گزریل سال دے مقابلے وچ 4 توں 5گُنا بہتر تھئے۔ پاکستان اَتے چین دے سانجھے تعاون نال روزگار، برآمدات اَتے صنعتی ترقی وچ نمایاں ودھارا تھیوݨ دی توقع اے
