خیبرپختونخوا وچ سیکیورٹی فورسز دے کامیاب آپریشنز، فتنہ الخوارج دے 13 دہشت گرد ہلاک

راولپنڈی۔ 14 دسمبر (اے پی پی) خیبرپختونخوا وچ سیکیورٹی فورسز ݙو انڄ انڄ کارروائیاں دے دوران بھارتی پراکسی فتنہ الخوارج دے 13دہشت گرد جہنم واصل کرݙتے۔آئی ایس پی آر موجب، ضلع مہمند وچ انٹیلی جنس بیسڈ آپریشن وچ 7خارج جہنم واصل تھئے جݙاں جو بنوں وچ سیکیورٹی فورسز دی کارروائی نال6 مزید بھارتی حمایت یافتہ خارج ہلاک تھئے۔سیکیورٹی فورسز دی ویلھے سر اَتے مؤثر کارروائی نال دہشت گرداں دا نیٹ ورک تباہ تھی ڳئے۔ ہلاک تھیوݨ آلے خارج بھارتی پراکسی فتنہ الخوارج نال تعلق رکھیندے ہن۔ دہشت گرداں دے خلاف کلیئرنس اَتے سینیٹائزیشن آپریشن جاری اے، اَتے دہشت گردی دے مکمل خاتمے تئیں آپریشنز پُوری شدت نال جاری رہسن۔ عزمِ استحکام دے تحت سیکیورٹی فورسز اَتے قانون نافذ کرݨ آلے ادارے پُرعزم ہن۔