اسلام آباد۔ 15 دسمبر(اے پی پی) پاکستان کادوگلی سوڈان وچ اقوامِ متحدہ دے امن دستیں تے تھیوݨ آلے ظالمانہ حملے دی سخت مذمت کیتی اے، جیں دے نتیجے وچ اقوامِ متحدہ دی عبوری سلامتی فورس ابیے (یو این آئی ایس ایف اے) دے تحت کَم کرݨ آلے بنگلہ دیش دے چھی امن اہلکار شہید جݙاں جو کئی ٻئے زخمی تھئن۔وزارت خارجہ توں جاری بیان موجب پاکستان ایں ݙکھے واقعے وچ …
پاکستان دی کادوگلی وچ اقوامِ متحدہ دے امن دستیں تے حملے دی شدید مذمت
اسلام آباد۔ 15 دسمبر(اے پی پی) پاکستان کادوگلی سوڈان وچ اقوامِ متحدہ دے امن دستیں تے تھیوݨ آلے ظالمانہ حملے دی سخت مذمت کیتی اے، جیں دے نتیجے وچ اقوامِ متحدہ دی عبوری سلامتی فورس ابیے (یو این آئی ایس ایف اے) دے تحت کَم کرݨ آلے بنگلہ دیش دے چھی امن اہلکار شہید جݙاں جو کئی ٻئے زخمی تھئن۔وزارت خارجہ توں جاری بیان موجب پاکستان ایں ݙکھے واقعے وچ قیمتی جاناں دے ضیان تے حکومتِ بنگلہ دیش اَتے بنگلہ دیش دے عوام نال دِلی تعزیت اَتے ایں اوکھے گھڑی وچ سوگوار خانداناں نال پُوری یکجہتی دا اظہار کریندے۔ بیان وچ آکھیا ڳئے جو اقوامِ متحدہ دے امن دستے امن دے قیام کیتے عالمی کوششاں وچ اڳوں ودھ تے کردار ادا کریندے پئن۔ اساں اِنہاں نیلے ہیلمٹ پاوݨ آلے امن اہلکاراں دی عظیم قربانی کوں خراجِ عقیدت پیش کریندوں ۔وزارت خارجہ دا آکھݨ اے جو پاکستان ایں بزدلانہ حملے دی فوری اَتے شفاف تحقیقات دا مطالبہ کریندے تاں جو ذمہ واراں دی نشاندہی کرتے انہاں کوں انصاف دی کچاری اچ گھن آیا ونڄ سڳے
