اسلام آباد۔ 21 جنوری (اے پی پی) وفاقی وزیر داخلہ محسن نقوی تے وزیر مملکت طلال چوہدری نال مفتی اعظم پاکستان مفتی منیب الرحمن دی سربراہی اچ ہک وفد ملاقات کیتی۔ ملاقات اچ ملک دی صورتحال، امن و امان تے مذہبی ہم آہنگی سمیت علمائے کرام کوں پیش آوݨ آلے مسئلیاں تے تفصیلی ڳالھ مہاڑ کیتی ڳئی۔ ملاقات اچ علمائے کرام دے مسئلیاں دے حل کیتے ہک خاص کمیٹی بݨاوݨ …
وفاقی وزیر داخلہ محسن نقوی تے وزیر مملکت طلال چوہدری نال مفتی منیب الرحمن دی ملاقات، علمائے کرام دے مسئلیاں کیتے کمیٹی قائم
اسلام آباد۔ 21 جنوری (اے پی پی) وفاقی وزیر داخلہ محسن نقوی تے وزیر مملکت طلال چوہدری نال مفتی اعظم پاکستان مفتی منیب الرحمن دی سربراہی اچ ہک وفد ملاقات کیتی۔ ملاقات اچ ملک دی صورتحال، امن و امان تے مذہبی ہم آہنگی سمیت علمائے کرام کوں پیش آوݨ آلے مسئلیاں تے تفصیلی ڳالھ مہاڑ کیتی ڳئی۔ ملاقات اچ علمائے کرام دے مسئلیاں دے حل کیتے ہک خاص کمیٹی بݨاوݨ دا فیصلہ کیتا ڳیا جیندے سربراہ طلال چوہدری ہوسن ۔ مفتی منیب الرحمن تے ٻئے جید علماء وی ایں کمیٹی دا حصہ ہوسن ۔ وزیر داخلہ محسن نقوی مفتی منیب الرحمن دی خدمات دی تعریف کیتی اتے آکھیا جو انھاں ہمیشہ اتحاد دا درس ݙتے ۔ انھاں یقین ݙوایا جو علماء دے مسائل فوری حل کیتے ویسن ۔ ملاقات دے چھیکڑ اچ مفتی منیب الرحمن ملک دی سلامتی کیتے دعا کرائی۔
