وزیرِ اعظم دا ساران تنگی اچ فتنہ الہندوستان دے 6 دہشتگرداں کوں ہلاک کرݨ تے سکیورٹی فورسز کوں خراجِ تحسین

اسلام آباد۔22 ستمبر(اے پی پی)وزیرِ اعظم محمد شہباز شریف ساران تنگی بلوچستان اچ سکیورٹی فورسز دی کامیاب کارروائی اچ فتنہ الہندوستان دے 6 دہشتگرداں کوں ہلاک کرݨ تے سکیورٹی فورسز کوں خراجِ تحسین پیش کیتے۔ وزیرِ اعظم شہباز شریف آکھیا جو سکیورٹی فورسز بہادری اتے پیشہ وارانہ مہارت نال دہشتگرداں دے مذموم عزائم کوں ناکام بݨا ݙتے۔ انہاں آکھیا جو ملک توں دہشتگردی کوں منݙھو مکاوݨ تئیں آپریشن شعبان 2 جاری رہسی، پاکستان دے امن، سلامتی اتے ترقی کوں نقصان پچاوݨ دی ہر کوشش کوں پوری قوت نال ناکام ٻݨایا ویسی اتے سکیورٹی فورسز اتے قانون نافذ کرݨ والے اداریاں دیاں کارروائیاں جاری رہسن۔ وزیرِ اعظم آکھیا جو قوم اپݨے بہادر جواناں دے نال کھڑی اے۔