حیدرآباد۔ 21 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی آکھیے جو سندھ اولیائے کرام، درویشاں تے صوفیاں دی دھرتی اے جتھاں محبت، رواداری تے امن دا سنیھا نسل در نسل منتقل تھیندا پئے ۔حضرت شاہ عبداللطیف بھٹائیؒ دے دربار تے حاضری روحانی سکون تے دلی خوشی دا باعث بݨی اے ۔ اے ڳالھیں انھاں بھٹ شاہ اچ مزار تے حاضری دے بعد "اے …
حکومت سندھ دی ثقافت تے ورثے دے فروغ کیتے بھرپور اقدامات کریسی ، وفاقی وزیر اورنگزیب خان کھچی
حیدرآباد۔ 21 جنوری (اے پی پی) وفاقی وزیر برائے قومی ورثہ و ثقافت اورنگزیب خان کھچی آکھیے جو سندھ اولیائے کرام، درویشاں تے صوفیاں دی دھرتی اے جتھاں محبت، رواداری تے امن دا سنیھا نسل در نسل منتقل تھیندا پئے ۔حضرت شاہ عبداللطیف بھٹائیؒ دے دربار تے حاضری روحانی سکون تے دلی خوشی دا باعث بݨی اے ۔ اے ڳالھیں انھاں بھٹ شاہ اچ مزار تے حاضری دے بعد “اے پی پی” نال ڳالھ مہاڑ کریندے ہوئیں کیتا۔ ایں موقع تے وفاقی وزیر نے مزار تے چادر چڑھائی، فاتحہ خوانی کیتی تے ملک تے قوم دی سلامتی کیتے دعا منگی۔ انھاں آکھیا جو سندھ دی ثقافت آپݨی خوبصورتی دی وجہ توں پوری دنیا اچ مشہوراے۔ شاہ سائیں دا سنیھا اڄ وی دلاں کوں جوڑیندا پئے ۔ انھاں یقین ݙوایا جو وفاقی حکومت صوبائی حکومت دے نال رل تے سندھ دے ثقافتی ورثے دے تحفظ کیتے عملی اقدامات جاری رکھیسی ۔ بعد اچ وفاقی وزیر درگاہ دے احاطے اچ شاہ سائیں دا کلام وی سݨیا۔
