بانی پی ٹی آئی دا پمز ہسپتال اچ اکھیں دا طبی معائنہ کیتا ڳیا، بانی پی ٹی آئی بالکل ٹھیک تے صحت مند ہن، عطاء اللہ تارڑ

اسلام آباد۔ 29 جنوری (اے پی پی) وفاقی وزیرِ اطلاعات تے نشریات عطاء اللہ تارڑ آکھیے جو طبی ماہرین دی تجویز تے بانی پی ٹی آئی دا پمز ہسپتال اچ اکھیں دا طبی معائنہ تھئے، بانی پی ٹی آئی بالکل ٹھیک ہن، سارے قیدیاں کوں صحت دی سہولتاں میسر ہن۔ خمیس دے ݙینہہ اتھاں میڈیا نال ڳالھ مہاڑ کریندیں ہوئیں وفاقی وزیرِ اطلاعات آکھیے جو اکھیں دے طبی ماہرین اڈیالہ جیل اچ بانی پی ٹی آئی دی اکھیں دا معائنہ کیتا ہئی جیندے بعد انھاں تجویز کیتی جو معمولی طبی کارروائی کیتے انھاں کوں پمز گھن ونڄݨ ضروری اے۔ انھاں آکھیے جو اکھیں دے ماہرین دی سفارش تے پچھلے ہفتے دی رات انھاں کوں پمز ہسپتال گھن ڳئے جتھاں انھاں دی اکھیں دا معائنہ تھیا، بانی پی ٹی آئی دی لکھی ہوئی رضامندی دے بعد تقریباً 20 منٹ دی طبی کارروائی تھئی جیندے بعد انھاں کوں ضروری ہدایات نال واپس اڈیالہ جیل گھن ڳیا۔ انھاں آکھیے جو طبی کارروائی دے دوران بانی پی ٹی آئی اسٹیبل تے بالکل صحت مند ہن۔ انھاں آکھیے جو سارے قیدیاں کوں طبی سہولت تئیں رسائی حاصل ہوندی اے، اے رولز دے مطابق اے ۔ ہک سوال دے جواب اچ انھاں آکھیے جو بانی دی رضامندی دے بعد 20 منٹ اچ طبی کارروائی پوری کر تے انھاں کوں واپس آندا ڳیا۔