اسلام آباد۔ 29 جنوری (اے پی پی) قائم مقام صدر سید یوسف رضا گیلانی نال انجینئرنگ ڈویلپمنٹ بورڈ دے چیف ایگزیکٹو آفیسر حماد علی منصور خمیس دے ݙینہہ اتھاں ایوانِ صدر اچ ملاقات کیتی۔ ایوانِ صدر دے میڈیا وِنگ دے مطابق ایں موقع تے ڳالھ کریندیں ہوئیں سید یوسف رضا گیلانی پاکستان دے انجینئرنگ شعبے دی ترقی کیتے انجینئرنگ ڈویلپمنٹ بورڈ دے متحرک کردار کوں سراہیا اتے ماحولیاتی خدشات دے …
قائم مقام صدر سید یوسف رضا گیلانی نال انجینئرنگ ڈویلپمنٹ بورڈ دے چیف ایگزیکٹو آفیسر حماد علی منصور دی ملاقات
اسلام آباد۔ 29 جنوری (اے پی پی) قائم مقام صدر سید یوسف رضا گیلانی نال انجینئرنگ ڈویلپمنٹ بورڈ دے چیف ایگزیکٹو آفیسر حماد علی منصور خمیس دے ݙینہہ اتھاں ایوانِ صدر اچ ملاقات کیتی۔ ایوانِ صدر دے میڈیا وِنگ دے مطابق ایں موقع تے ڳالھ کریندیں ہوئیں سید یوسف رضا گیلانی پاکستان دے انجینئرنگ شعبے دی ترقی کیتے انجینئرنگ ڈویلپمنٹ بورڈ دے متحرک کردار کوں سراہیا اتے ماحولیاتی خدشات دے پیشِ نظر الیکٹرک گاݙیاں دو منتقلی دی اہمیت تے پائیدار معاشی ترقی دے فروغ دی لوڑھ تے زور ݙتا۔ قائم مقام صدر آکھیے جو ہک پاکستانی برانڈ دے تحت مقامی طور تے بݨائی ڳئی “میڈ اِن پاکستان” گاݙی تے سستیاں الیکٹرک بائیکس متعارف کرائی ونڄن تاںجو عوام کوں گھٹ قیمت تے سوکھی سفری سہولتاں مل سڳن اتے مقامی صنعت کوں وی فروغ ملے۔ قائم مقام صدر انجینئرنگ شعبے کوں معاشی ترقی تے صنعتی اڳونہپ دا ہک اہم ذریعہ قرار ݙیندیں ہوئیں ایندی مکمل سرکاری سرپرستی جاری رکھݨ دا عزم کیتا۔ این توں پہلے حماد علی منصور قائم مقام صدر کوں انجینئرنگ ڈویلپمنٹ بورڈ دے کردار تے مینڈیٹ توں آگاہ کیتا جیہڑا 1995 اچ پاکستان دے انجینئرنگ سیکٹر کوں تگڑا بݨاوݨ کیتے بݨایا ڳیا ہئی۔ انھاں صنعتی ترقی، برآمدات اچ اضافے، تے جدید ٹیکنالوجی دے استعمال کیتے ای ڈی بی دے اہم اقدامات بارے ݙسایا۔
