اسلام آباد۔ 29 جنوری (اے پی پی) وزیراعظم محمد شہباز شریف پاکستان تے یورپی یونین وچال آپسی دلچسپی دے سارے شعبیاں خصوصاً تجارت، سرمایہ کاری، ترقی تے سلامتی، مائیگریشن تے موسمیاتی تبدیلی دے شعبیاں اچ تعاون کوں ٻیا تگڑا بݨاوݨ دے عزم دا اعادہ کریندیں ہوئیں پاکستان تے یورپی یونین وچال تجارت دے فروغ آچ جی ایس پی پلس اسکیم دے کلیدی کردار تے زور ݙتے۔ وزیراعظم آفس دے میڈیا …
وزیراعظم شہباز شریف نال یورپی یونین دے سفیر دی ملاقات، وزیراعظم دا پاکستان تے یورپی یونین وچال تجارت دے فروغ اچ جی ایس پی پلس اسکیم دے کلیدی کردار تے زور
اسلام آباد۔ 29 جنوری (اے پی پی) وزیراعظم محمد شہباز شریف پاکستان تے یورپی یونین وچال آپسی دلچسپی دے سارے شعبیاں خصوصاً تجارت، سرمایہ کاری، ترقی تے سلامتی، مائیگریشن تے موسمیاتی تبدیلی دے شعبیاں اچ تعاون کوں ٻیا تگڑا بݨاوݨ دے عزم دا اعادہ کریندیں ہوئیں پاکستان تے یورپی یونین وچال تجارت دے فروغ آچ جی ایس پی پلس اسکیم دے کلیدی کردار تے زور ݙتے۔ وزیراعظم آفس دے میڈیا وِنگ ولوں جاری بیان دے مطابق وزیراعظم محمد شہباز شریف نال یورپی یونین دے پاکستان اچ سفیر رائمونڈاس کاروبلس خمیس دے ݙینہہ اتھاں ملاقات کیتی۔ ایں موقع تے نائب وزیراعظم تے وزیر خارجہ سینیٹر محمد اسحاق ڈار تے ٻئے اعلیٰ حکام وی وزیراعظم دے نال موجود ہن۔ وزیراعظم یورپی یونین دے سفیر نال ڳالھ مہاڑ کریندیں ہوئیں آکھیے جو پاکستان یورپی یونین دے نال آپسی مفاد تے مبنی تجارتی تعلقات بالخصوص جی ایس پی پلس دے تحت تجارت کوں ودھاوݨ کیتے قریبی تعاون کیتے پرعزم اے۔ وزیراعظم یورپی یونین دے سفیر دا خیرمقدم کیتا جنھاں کجھ مہینے پہلے ای پاکستان اچ آپݨی ذمہ داریاں سنبھالیاں ہن۔ انھاں آکھیے جو جی ایس پی پلس اسکیم دا کردار ٻہوں اہم اے ۔ وزیراعظم برسلز اچ تھئی پاکستان-یورپی یونین اسٹریٹجک ڈائیلاگ دے ستویں دور تے وی اطمینان دا اظہار کیتا۔ یورپی یونین دے سفیر پرتپاک استقبال تے شکریہ ادا کیتا اتے یقین ݙیوایا جو او تعلقات کوں ٻیا مستحکم بݨاوݨ کیتے آپݨا بھرپور کردار ادا کریسن ۔ انھاں آکھیے جو اپریل اچ تھیوݨ آلے پہلے یورپی یونین-پاکستان بزنس فورم دے ذریعے وی قریبی روابط کوں ودھایا ویسی۔
