صدرِ مملکت آصف علی زرداری متحدہ عرب امارات دا چار ݙیہاڑی سرکاری دورہ مکمل کر تے وطن روانہ

اسلام آباد۔ 29 جنوری(اے پی پی) صدرِ مملکت آصف علی زرداری متحدہ عرب امارات دا چار ݙینھ دا سرکاری دورہ مکمل کر تے وطن واپس روانہ تھی ڳئن۔ خمیس کوں ایوانِ صدر دے میڈیا وِنگ دے مطابق دبئی ایئرپورٹ تے صدرِ مملکت کوں متحدہ عرب امارات دے وزیرِ مملکت عبدالرحمٰن بن محمد الاویس، متحدہ عرب امارات اچ پاکستان دے سفیر، پاکستان اچ متحدہ عرب امارات دے سفیر اتے دبئی اچ پاکستان دے قونصل جنرل رخصت کیتے۔ اپݨے دورے اچ صدرِ مملکت متحدہ عرب امارات دے صدر شیخ محمد بن زاید النہیان اتے وزیراعظم شیخ محمد بن راشد المکتوم سودھا اہم ملاقاتاں کیتن۔ انھاں ملاقاتاں اچ ٻئے معاملیاں دے نال نال ݙوطرفہ تعلقات اتے اقتصادی شراکت داری تے الایا۔ دفاع، سیکیورٹی اتے عوامی رابطیاں دے شعبیاں اچ ترقی اتے وی ڳالھ مہاڑ تھئی۔