صنعت کیتے بجلی ٹیرف اچ 4.04 روپے کمی: وفاقی وزیر اویس لغاری

اسلام آباد۔ 30 جنوری(اے پی پی)وفاقی وزیر برائے پاور ڈویژن سردار اویس احمد خان لغاری آکھیے جو وزیراعظم شہباز شریف ولوں اعلان کیتے گئے ریلیف پیکج دے تحت صنعتاں کیتے بجلی دے ٹیرف اچ 4.04 روپے فی یونٹ کمی کر ݙتی گئی اے۔ سوشل میڈیا تے جاری بیان اچ وفاقی وزیر آکھیے جو صنعتی بجلی دے بلاں تے مالی ٻھار، جیڑھا حکومت دے شروع اچ 8.90 روپے فی یونٹ ہئی، ہݨ ختم تھی تے صفر تھی ڳئے۔ ایں بوجھ دے مکݨ نال ویلنگ چارجز اچ وی کمی آسی۔ انہاں آکھیے جو ہݨ صنعتی صارفین کوں تقریباً 11.5 سینٹ فی یونٹ دے حساب نال بجلی ملسی، جیندے نال ملک دی صنعت کوں فائدہ تھیسی۔