عوام دی بھلائی ترجیح، میرٹ تے کوئی سمجھوتہ کائناں تھیسی، وزیراعلیٰ پنجاب مریم نواز

لاہور۔31 جنوری (اے پی پی) وزیراعلیٰ پنجاب مریم نواز آکھیے جو عوام دی بھلائی ترجیح اے، میرٹ تے کوئی سمجھوتہ کائناں تھیسی، پنجاب اچ ڈیجیٹل انقلاب دا آغاز تھی چکیے۔ انہاں اے ڳالھ لاہور اچ پی اے ایف ڈی اے دے افتتاح ویلھے تقریب نال خطاب اچ آکھی۔

تقریب نال وزیر اعظم شہباز شریف وی خطاب کیتے۔ ایں موقع تے وفاقی وزرا عطا تارڑ، اعظم نذیر تارڑ اتے ٻئے اسمبلی ممبران وی موجود ہن۔ وزیراعلیٰ پنجاب مریم نواز آکھیا جو قائد نواز شریف اتے وزیراعظم شہباز شریف دی قیادت اچ پنجاب ترقی کریندا پئے۔ انہاں آکھیا جو زرعی ملک ہووݨ دے باوجود ساڈے کولو عالمی معیار دی لیب کائنا ہئی جیندے نال نقصان تھیندا ہئی، اے 10 سال دی محنت دا نتیجہ اے۔ انہاں اعلان کیتا جو میرٹ تے کوئی سمجھوتہ کائناں تھیسی، سیٹلائٹ کرائم یونٹ دا دائرہ 38 ضلعیاں تئیں ودھایا ویسی، تریمت سائنسداناں کیتے 2 ارب 30 کروڑ دی لاگت نال ہاسٹل ٻݨایا ویسی اتے ورچوئل پولیس سٹیشن وی ٻݨدے پین۔ انہاں آکھیا جو پنجاب اچ ڈیجیٹل انقلاب دا آغاز تھی چکیے۔)