وزیراعظم پنجاب ایگریکلچر فوڈ اینڈ ڈرگ اتھارٹی (PAFDA) دا افتتاح کر ݙتے

لاہور۔31 جنوری (اے پی پی)وزیر اعظم محمد شہباز شریف آکھیے جو عوامی خدمت ساݙا مقصد اے اتے شفافیت کیتے جدید ٹیکنالوجی دا استعمال ویلھے دی وݙی لوڑھ اے، کرپشن اتے میرٹ دی خلاف ورزی دی کوئی گنجائش کائنی، پنجاب ایگریکلچر فوڈ اینڈ ڈرگ اتھارٹی صحت دے معیار کوں بہتر ٻݨآوݨ کیتے ہک “سٹیٹ آف دی آرٹ” منصوبہ اے۔ انہاں اے ڳالھ لاہور اچ پی اے ایف ڈی اے دے افتتاح اتے ایں سانڳے تقریب نال خطاب اچ آکھی۔

ایں موقع تے وزیراعلیٰ پنجاب مریم نواز، وفاقی وزرا عطا تارڑ، اعظم نذیر تارڑ اتے ٻئے اسمبلی ممبران وی موجود ہن۔ وزیر اعظم شہباز شریف آکھیا جو عوام کوں بنیادی سہولتاں ݙیوݨ کیتے سارے وسائل استعمال کیتے ویندے پئن، ملک اچ کتھائین وی ونڄو عوامی خدمت دے منصوبیاں تے مسلم لیگ (ن) دی مہر نظر آسی۔ انہاں آکھیا جیویں اساں ملک کوں بحراناں توں کڈھ تے ترقی دی راہ تے سٹیے، اونویں ہی ملک دی ہر چنݙھ اچ منصوبیاں دے ڄال وچھائے ویندے پئن۔ انہاں آکھیا جو اے منصوبہ مریم نواز اتے انہاں دی ٹیم دی محنت دا نتیجہ اے، او عمارت جیڑھی کھنڈر ٻݨ گئی ہئی اج جدید مشینری نال لیس اے، اے ادارہ صرف پنجاب دا نی ٻھل پورے پاکستان دی خدمت کریسی۔ تقریب نال زیر اعلیٰ پنجاب مریم نواز وی خطاب کیتے۔