صدرِ مملکت دی آسٹریلیا دے خلاف کلین سویپ تے قوم کوں مبارکباد

اسلام آباد۔1 فروری(اے پی پی) صدرِ مملکت آصف علی زرداری پاکستان اتے آسٹریلیا وچال کھیݙی گئی ٹی ٹونٹی سیریز اچ قومی ٹیم دی مسلسل اتے شاندار کامیابی تے پوری قوم کوں مبارکباد ݙتی اے۔ ایوانِ صدر توں جاری بیان دے مطابق صدر زرداری آکھیے جو ٹی ٹونٹی سیریز اچ کلین سویپ قومی ٹیم دی سانجھی محنت اتے پیشہ ورانہ تیاری دا نتیجہ اے، جیندے نال پاکستان دا ناں روشن تھئے۔ انھاں آکھیا جو پی سی بی چیئرمین محسن نقوی وی ایں کامیابی تے مبارکباد دے مستحق ہن۔ اُمید اے جو ٹیم دی اے کارکردگی اگوں وی برقرار رہسی اتے کرکٹ دا گراف مزید اچا تھیسی۔