اسلام آباد۔ 2 فروری(اے پی پی) وزیراعظم محمد شہباز شریف پاکستان نال عالمی بینک گروپ دی لمبی رفاقت اتے ترقیاتی کماں کوں اہمیت ݙیوݨ دے عزم دی تعریف کریندے آکھیے جو حکومت پائیدار معاشی مضبوطی کیتے ہک جامع اتے کثیرالجہتی اصلاحاتی پروگرام تے تندہی نال عمل کریندی پئی اے۔ انہاں اے ڳالھ اسلام آباد اچ عالمی بینک گروپ دے صدر اجے بنگا نال ملاقات اچ آکھی۔ وزیراعظم شہباز شریف، اجے …
وزیراعظم شہباز شریف نال عالمی بینک دے صدر اجے بنگا دی ملاقات
اسلام آباد۔ 2 فروری(اے پی پی) وزیراعظم محمد شہباز شریف پاکستان نال عالمی بینک گروپ دی لمبی رفاقت اتے ترقیاتی کماں کوں اہمیت ݙیوݨ دے عزم دی تعریف کریندے آکھیے جو حکومت پائیدار معاشی مضبوطی کیتے ہک جامع اتے کثیرالجہتی اصلاحاتی پروگرام تے تندہی نال عمل کریندی پئی اے۔ انہاں اے ڳالھ اسلام آباد اچ عالمی بینک گروپ دے صدر اجے بنگا نال ملاقات اچ آکھی۔ وزیراعظم شہباز شریف، اجے بنگا دے پاکستان دے پہلے سرکاری دورے دا خیرمقدم کیتے۔ انہاں آکھیا جو 10 سالہ “ورلڈ بینک گروپ کنٹری پارٹنرشپ فریم ورک (سی پی ایف)” دے تحت تعاون قابلِ تعریف اے۔ ملاقات اچ انفراسٹرکچر، زراعت، ڈیجیٹل ترقی، توانائی اتے نجی سرمایہ کاری اچ ودھارے کیتے عالمی بینک دی مدد کوں سراہیا ڳئے۔ وزیراعظم اتے اجے بنگا زور ݙتے جو ترقیاتی منصوبیاں اچ رکاوٹاں ختم کرݨ کیتے انہاں پروگراماں تے تیزی نال عمل کیتا ونڄے۔ اجے بنگا پاکستان دی مہمان نوازی دا شکریہ ادا کیتا اتے حکومت دے اصلاحاتی ایجنڈے کیتے ہر ممکن تعاون دا یقین ݙیوایا۔
