اسلام آباد۔2 فروری(اے پی پی)وزیراعظم محمد شہباز شریف خیبر پختونخوا دے عوام دی ترقی اتے خوشحالی کیتے وفاقی اتے صوبائی حکومت وچال تعاون ودھاوݨ تے زور ݙیندے آکھیے جو لوکاں دی فلاح کیتے رل تے کم کیتا ویسی۔ انہاں اے ڳالھ اڄ اسلام آباد اچ وزیراعلیٰ سہیل آفریدی نال ملݨ ویلھے آکھی، ڄیڑھے انہاں کوں انہاں دی دعوت تے ملݨ آئے ہن۔ ملاقات اچ صوبے وچ امن و امان دی …
وزیراعظم شہباز شریف دی وزیراعلیٰ خیبر پختونخوا سہیل آفریدی نال ملاقات
اسلام آباد۔2 فروری(اے پی پی)وزیراعظم محمد شہباز شریف خیبر پختونخوا دے عوام دی ترقی اتے خوشحالی کیتے وفاقی اتے صوبائی حکومت وچال تعاون ودھاوݨ تے زور ݙیندے آکھیے جو لوکاں دی فلاح کیتے رل تے کم کیتا ویسی۔ انہاں اے ڳالھ اڄ اسلام آباد اچ وزیراعلیٰ سہیل آفریدی نال ملݨ ویلھے آکھی، ڄیڑھے انہاں کوں انہاں دی دعوت تے ملݨ آئے ہن۔ ملاقات اچ صوبے وچ امن و امان دی صورتحال خاص کر دہشتگردی دے خلاف ہکو سواں موقف اپناوݨ دے معاملیاں تے ڳالھ مہاڑ تھئی۔ وزیراعظم آکھیا جو امن قائم کرݨ کیتے صوبائی حکومت اپݨیاں کوششاں ٻیاں ودھاوے۔ انہاں آکھیا جو دہشت گردی دے خاتمے کیتے صوبائی اداریاں کوں مضبوط کرݨا ضروری اے۔ وزیراعظم دا آکھݨ ہئی جو خیبر پختونخوا وفاق دی ہک اہم اکائی اے، ایں سانڳے وفاقی حکومت صوبے دے عوام دی بہتری کیتے ہمیشہ کوششاں کریندی رہسی۔ انہاں تعلیم، صحت اتے روزگار دے موقع پیدا کرݨ کیتے وفاق ولوں مکمل تعاون دی یقین دہانی کرائی اتے آکھیا جو باہمی مشاورت نال ہی قومی یکجہتی اتے ترقی دے اہداف حاصل تھی سگدن۔
