صدرِ مملکت آصف علی زرداری قازقستان اتے ازبکستان دے صدور کوں “نشانِ پاکستان” ݙیسن

اسلام آباد۔ 3 فروری (اے پی پی) صدرِ مملکت آصف علی زرداری قازقستان تے ازبکستان دے صدور کوں پاکستان دے سرکاری دورے دے موقع تے ملک دا سب توں وݙا سول اعزاز “نشانِ پاکستان” ݙیسن۔ ایوانِ صدر دے میڈیا ونگ توں جاری تفصیلات دے مطابق، نشانِ پاکستان ہک اینڄھا اعزاز اے جیہڑا اُنہاں شخصیتاں کوں ݙتا ویندے جنہاں پاکستان دے قومی مفاد کیتے غیر معمولی خدمات انجام ݙتین۔ اے اعزاز ݙوہیں ملکاں وچال دوستی اتے احترام دی ہک وݙی علامت اے۔ اعزازات دی اے تقریب ایوانِ صدر اچ تھیسی جیندے اچ صدرِ مملکت آپ ݙوہیں معزز مہماناں کوں اے اعزاز پیش کریسن۔ مہمان صدور دے اعزاز اچ سرکاری ضیافت وی ݙتی ویسی جیندے اچ وفاقی وزراء، پارلیمنٹ دے اراکین اتے سفیر شرکت کریسن۔