اسلام آباد۔ 4 فروری(اے پی پی) وفاقی وزیر داخلہ محسن نقوی فیڈرل انویسٹی گیشن ایجنسی (ایف آئی اے) دے اسلام آباد اچ ہیڈکوارٹرز دا دورہ کیتے جتھاں او نویں لڳݨ والے ڈائریکٹر جنرل (ڈی جی) ایف آئی اے ڈاکٹر عثمان انور نال ملین اتے ادارے دی کارکردگی کوں عالمی معیار دے مطابق ٻݨاوݨ سانڳے اہم ہدایات ݙتن۔ وزیر داخلہ محسن نقوی ڈی جی ایف آئی اے ڈاکٹر عثمان انور …
وفاقی وزیر داخلہ دا ایف آئی اے ہیڈکوارٹرز دا دورہ، نویں لڳݨ والے ڈی جی ڈاکٹر عثمان انور نال ملاقات
مزید خبراں
اسلام آباد۔ 4 فروری(اے پی پی) وفاقی وزیر داخلہ محسن نقوی فیڈرل انویسٹی گیشن ایجنسی (ایف آئی اے) دے اسلام آباد اچ ہیڈکوارٹرز دا دورہ کیتے جتھاں او نویں لڳݨ والے ڈائریکٹر جنرل (ڈی جی) ایف آئی اے ڈاکٹر عثمان انور نال ملین اتے ادارے دی کارکردگی کوں عالمی معیار دے مطابق ٻݨاوݨ سانڳے اہم ہدایات ݙتن۔ وزیر داخلہ محسن نقوی ڈی جی ایف آئی اے ڈاکٹر عثمان انور کیتے نیک خواہشات پچیندے امید کیتی اے جو ڈاکٹر عثمان انور دی سربراہی اچ ایف آئی اے ہک مثالی ادارہ بݨسی۔ انہاں آکھیا جو ڈاکٹر عثمان انور ادارے کوں عوام دی توقعات دے مطابق ڈھالݨ کیتے پورا زور لیسن۔ ملاقات اچ وزیر داخلہ پورا یقین ݙیوائے جو ایف آئی اے کوں ہک جدید، مضبوط اتے مؤثر ادارہ ٻݨاوݨ کیتے سارے وسائل لائے ویسن۔ ایں موقع تے ڈی جی ایف آئی اے ڈاکٹر عثمان انور وزیر داخلہ کوں یقین دہانی کرائی جو جدید ٹیکنالوجیا تے بہتر تربیت نال ایف آئی اے کوں عالمی معیار تے ڳھن آیا ویسی۔ وزیر داخلہ ہیڈکوارٹرز اچ ٻݨݨ آلے کمیٹی روم دا معائنہ کیتا اتے ایف آئی اے ہیڈکوارٹر دی جدید ضروریات دے مطابق ازسرِ نو تعمیر و تزئین و آرائش دا فیصلہ کیتے۔
