پاکستانی عازمینِ حج 8 فروری تئیں ’سعودی ویزہ بائیو‘ ایپ تے بائیو میٹرک پراسیس مکمل کرن، وزارت مذہبی امور

اسلام آباد۔ 4 فروری (اے پی پی) وفاقی وزارت مذہبی امور و بین المذاہب ہم آہنگی حج 2026 دے عازمین کوں ہدایت کیتی اے جو ویزہ پراسیسنگ کیتے بائیو میٹرک دا عمل ہر صورت 8 فروری تئیں مکمل کرن، عازمینِ حج اپݨے متعلقہ بینکاں دی مدد ڳھن سڳدن۔ او عازمین جنہاں کوں جدید ’’سعودی ویزہ بائیو‘‘ ایپ دے ذریعے گھر ٻیٹھے رجسٹریشن یا انڳلیں دے نشانات (فنگر پرنٹس) دی تصدیق اچ اوکھ ہووے تاں انہاں دی سہولت کیتے ملک بھر اچ 6 تاشیر سینٹرز ٻݨا ݙتے ڳن۔ ترجمان وزارت مذہبی امور دے مطابق عازمینِ حج دی پہلی ترجیح ’’سعودی ویزہ بائیو‘‘ ایپ ہی ہووݨی چاہیدی اے۔ وزارت نے واضح کیتا اے جو بائیو میٹرک دی تصدیق دے بغیر حج ویزہ لڳݨ ممکن نا تھیسی۔ ایپ دے ذریعے تصدیق نہ تھیوݨ دی صورت اچ عازمینِ حج اسلام آباد، لاہور، کراچی، پشاور، ملتان اتے کوئٹہ اچ قائم تاشیر سینٹرز توں رجوع کر سڳدن